841 pertsona migratzaile iritsi dira 24 ordutan Lanzarote eta Hierrora, hamairu ontzitan
841 migratzaile iritsi dira Lanzarote eta Hierro uharteetara ostiral gauetik, Itsas Salbamenduak erreskatatutako hamahiru ontzitan.
Hierron, Itsas Salbamendua beste bi kaiukoren bila abiatu da larunbat gauean, uhartearen hegoaldean; horietako bat 200 miliara dago, zortzi pertsonarekin -merkantzia-ontzi batek uretara salto egin duen pertsona bat erreskatatu du-, eta beste bat 90 miliara.
Lehen ontzia ostiral gauean iritsi zen Hierrora, 66 migratzailerekin -60 gizon, bost emakume eta adingabe bat-, Salvamar Adharak lagunduta.
Larunbat goizean beste bat iritsi da 58 pertsonarekin, tartean 5 emakume eta zehaztu gabeko hainbat adingabe.
Eguerdian beste 180 pertsona lehorreratu dira La Restingako portuan, tartean 41 emakume eta 20 adingabe.
Hirugarren txalupa bat iritsi da arratsaldean, 40 pertsonarekin, horietatik zazpi emakumeak eta bost haurrak.
Hierrora iritsitako ontzi horiei, larunbat honetan, Itsas Salbamenduak Lanzarote inguruko uretan erreskatatutako beste bederatzi ontzi gehitu behar zaizkie, guztira 497 lagunekin.
Larunbateko lehen orduan, 59 pertsona -horietatik 4 emakumeak eta bat adingabea- zeramatzan ontzi bat erreskatatu du Guardamar Uraniak Lanzaroteko kostaldean, eta Arrecifera eraman dute.
Itsas Salbamenduko ontzi berak bi pateratan zihoazen 106 pertsona erreskatatu ditu, eta, handik gutxira, Salvamar Al Nairrek ontzi pneumatiko batean zihoazen 50 pertsona gehiagori lagundu die.
Gainera, Guardamar Uraniak pneumatika bat aurkitu du Lanzarotetik 15 kilometrora, Saharaz hegoaldeko 42 pertsonarekin, tartean 5 emakume eta 2 haur.
Ondoren, Guardamar Uraniak jatorri magrebtarreko 54 etorkin zeramatzan pneumatiko bat erreskatatu du Lanzarote inguruan, tartean 4 emakume, eta Arrecifera eraman ditu.
Lanzaroteko kostaldean ere, Concepción Arenal mugazainak hiru pneumatika erreskatatu ditu: bat, Saharaz hegoaldeko 56 migratzailerekin, horietatik 7 emakumeak eta bi adingabeak; bigarrena, 78 pertsonarekin; eta beste bat, 52rekin. Azken horiek ere Arrecifera eraman dituzte.
Guztira 841 pertsona dira erreskatatu dituztenak, behin-behineko zenbaketen arabera, eta gutxienez 73 emakume eta 31 adingabe daude horien artean.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.