219 dira goialdeko borraskan hildakoak, Leturren bi hilotz topatu ostean; desagertutakoen kopurua 93ra igo da
Goi-geruzetako Depresio Isolatuak (GOIDI) 219 hildako utzi ditu Valentziako Erkidegoan, Gaztela-Mantxan eta Andaluzian, asteazkenean Leturren (Albacete) desagertuta zeuden bi pertsonaren gorpuak topatu ostean.
Gauzak horrela, hildakoen zenbaketa modu honetara geratu da: 211 Valentziako Erkidegoan zendu dira; zazpi, Gaztela-Mantxan eta bat, Andaluzian.
Desagertutako pertsonei dagokienez, gora egin du azken orduetan, eta 89 izatetik, 93 izatera igaro da. Valentziako Erkidegoko Justizia Auzitegi Nagusiak eman du datua. Zehaztu duenez, "desagertutakoen eta hildakoen datuak ez datoz bat, eta ezin dira inondik inora batu".
Hala, azaldu duenez, desagertzeengatik zabaldutako espedienteak "igo ala jaitsi daitezke hildakoak identifikatzeko lanek aurrera egin ahala, desagertze salaketak igota edo bizirik erreskatatutako lagunen arabera".
Bestalde, Cadena Ser irrati katean egindako adierazpenetan, Fernando Grande-Marlaska Espainiako Gobernuko Barne ministroak adierazi du "arrazoiak arrazoi, orain arte bilatu ezin dugun lekuetan" ari direla desagertutakoen bila, eta lurrazpiko garajeak eta kostaldeko udalerriak aipatu ditu adibide gisa.
54 gorpu dituzte identifikatzeke. Orain arte, 203 autopsia egin dituzte, eta 133 identifikazio.
Erreskatatutako pertsonen kopuruak ere gora egin du, eta 36.572 dira dagoeneko; 124 azken orduetan.
Bien bitartean, goialdeko borraskak kolpatutako 78 udalerritan ez dute atsedenik hartzen, eta etxebizitzak, kaleak eta azpiegiturak garbitzen eta berreraikitzen jarraitzen dute. Valentziako Erkidegoan daude gehienak (75), baina Gaztela-Mantxan eta Andaluzian ere badaude (2 eta 1, hurrenez hurren). Denboralearen zero guneko herri askotan (Catarroja, Massanassa eta Torrent) zaila da oso mugitzea, kaleak hondakinez lepo baitaude.
Dena dela, laguntza eta makineria etengabe ari da iristen. Gainera, gaur hasiko dira Valentziara bideratzen Espainiako Gobernuak onartutako 10.600 milioi euroko dirulaguntzaren lehen partida, laguntzok aitortzeko errege dekretua ostegun honetan sartu baita indarrean.
Albiste gehiago gizartea
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.