Espetxeratzea agindu dute lapurreta egitea eta 10 ertzain zauritzea egotzita atxilotutako bost lagunentzat
Epaileak behin-behineko kartzelaldia ezarri die joan den igandean Ertzaintzak atxilotu zituen bost gizonei, Donostiako Garbera merkataritza-gunean lapurtzea eta ihesaldian hamar agente zauritzea egotzita. Josu Bujanda Ertzaintzaren buruak EITB Mediari jakinarazi dionez, atxilotuak Madrildik etorritako talde kriminal bateko kideak dira.
Zehazki, Gasteizko Instrukzioko 2 zenbakiko Epaitegiak, guardiako funtzioetan, behin-behinean espetxeratzeko agindu du, ausarkeriaz gidatzeagatik, bizia mespretxatuz; indarra erabiliz lapurtzeagatik; agenteei lesioak eragiteagatik; eta agintaritzaren kontra atentatzeagatik, iturri judizialek jakitera eman dutenez.
Halaber, Ertzaintza lapurretan seigarren pertsona batek parte hartu ote zuen ikertzen ari da, baita otsailean leku berean lapurreta egin zuen talde bera ote den ere.
Ebasketa igande goizean (07:00 aldera) jazo zen, Garberako informatika denda batean. Ertzaintza ohartarazita, lapurrek bi kotxetan ihesari ekin zioten, eta agenteak haien bila joan ziren, abiadura bizian. Jazarpen luze bezain arriskutsua izan zen.
Izan ere, ordubete geroago, A-1ean atzeman zituzten, abiadura bizian, Arabako hiriburuaren parean. Bost gaizkileak alde egiten saiatu ziren, A-1 eta N-622 errepideetatik kontrako noranzkoan gidatuz. Azkenean, Abetxuku parean (Gasteiz inguruan) geldiarazi zituen Ertzaintzak, baina agenteen ibilgailuen aurka indarrez egin zuten.
Atxiloketan indarkeriaz aurre egin zieten 38, 31, 33, 35 eta 38 urteko bost gizonak epailearen esku utzi dituzte astearte honetan, eta epaileak espetxeratzeko agindu du.
Liskarren ondorioz, 10 agente zauritu ziren, lau ospitalera eraman behar izan zituzten, horietako bat Zainketa Intentsiboetako Unitatera. Hiruk alta jaso dute, ertzain batek izan ezik, horrek ingresatuta jarraitzen baitu.
Albiste gehiago gizartea
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.