Albiste izango dira: Pasaiako hilketa matxista, bidaiarien erregistro berria eta EITB Maratoiaren aurkezpena
Honako gai hauek hartuko dituzte gaur, 2024ko abenduaren 2an, hedabideetako lerroburu nagusiak:
- Pasaiako hilketa matxista: Ertzaintzaren esku jarraitzen du larunbatean Pasaian Leonor bikotekide ohia hiltzeagatik atxilotu zuten gizonak. Beharrezko izapideak amaitu ostean, epailearen aurrera eramango dute hurrengo orduetan, Eusko Jaurlaritzako Segurtasun Sailak jakinarazi duenez. Gipuzkoako Foru Aldundiak deituta, elkarretaratzea egingo dute eguerdian, Foru Jauregiaren aurrean.
- Bidaiarien erregistro berria, indarrean: Gaur sartuko da indarrean 933/2021 Errege Dekretua, ostatatzean edota motordun ibilgailuen alokairuan diharduten pertsona fisiko zein juridikoen informazioa eta dokumentu erregistroa arautzeko asmoz. Neurri berri horren harira, zalaparta sortu da ostatatze eta bidaia sektoretan, salatu baitute zama burokratiko handia, lehiakortasunaren galera eta bidaiarien pribatutasunaren urraketa dakartzala neurri horrek.
- EITB Maratoiaren aurkezpena: EITB Maratoia gala solidarioaren aurkezpen ekitaldia egingo dute EITBren egoitzan. Aurten, abenduaren 12an egingo da eta bildutako dirua gaixotasun kardiobaskularrak ikertzeko bideratuko da. Gaurko aurkezpen ekitaldian parte hartuko dute Isabel Octavio EITBko Estrategia eta Komunikazio zuzendariak, Javier Recondo Bilbo-Basurtu ESIko kardiologoak eta gaixotasun kardiobaskularren gainean lan egiten duten erakundeen ordezkariak.
Zure interesekoa izan daiteke
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.