Fernando Dominguez: "Itxaron-zerrendak jaisten ari dira pixkanaka Nafarroan"
Nafarroako Gobernuak Osasunbideko itxaron-zerrendak murrizteko hartutako neurriak "funtzionatzen" ari dira eta horren erakusle dira "joan den hilabeteetako emaitza onak". Fernando Dominguez Nafarroako Gobernuko Osasun kontseilariak esan ditu hitzok, Radio Euskadin egin dioten elkarrizketan. "Pozik" agertu da itxaron-zerrenden bilakaerarekin eta osasungintzako langileen "lana eta ahalegina" txalotu ditu. "Itxaron-zerrendak jaisten ari dira pixkanaka Nafarroan. Arazoa ezin da egun batetik bestera konpondu", zehaztu du.
Abenduko datuak jarri ditu mahai gainean kontseilariak, eta nabarmendu du "hilabete zaila" izan ohi dela, duen "jai egun kopuru handiagatik". "Halere, abenduko datuekin oso gustura gaude. Lehen kontsultetarako itxaron zerrenda 116 egun bakarrik igo zen joan den hilean, eta ebakuntzetakoa, 356. Hala, egun batean murriztu zen lehen kontsultarako itxaron-zerrenda joan den hilean". Datuok 2017tik erregistratutako "onenak" direla erantsi du. Egun, 61.123 herritar daude lehen kontsulta baterako zain Nafarroan, eta 10.535, berriz, ebakuntza baterako.
Osasunbidek zerbitzu publikoaren aldeko "apustua" egiten jarraituko duela berretsi ondoren, aitortu du "eskura ditugun baliabideekin beharrei ezin diegunean erantzun", kasuak sistema pribatura bideratzen jarraituko dutela, "itxaron-zerrendak murrizteko". "Gu, printzipioz, publikoaren defendatzaileak gara eta zerbitzu publikoekin egin daitekeen guztia, hala egingo dugu".
Arnas aparatuko birusen intzidentziaren gorakadari dagokionez, bereziki gripeari buruz esan du hurrengo asteetan espero dutela kasu kopuruek goia jotzea. Horretarako, Nafarroako Gobernuak aktibatuta du neguko kontingentzia plana, eta zentzu horretan, herritarrei gomendatu die, "patologia larririk ez duten kasuetan", lehen arretako zentroetara jo dezatela, "ospitaleetako larrialdi zerbitzuak ez kolapsatzeko".
Albiste gehiago gizartea
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.
Auroroek Gasteizko Alde Zaharrean barrena abestu dute, Andre Maria Zuriaren jaietarako deia eginez
Igande honetan izandako Arrosarioaren Prozesioak milaka gasteiztar bildu ditu, Andre Maria Zuriaren horma-hobiaren aurrean hasita eta San Migel elizan egindako meza batekin bukatuta.