Palestinari babesa eman eta Israeli zigorrak ezartzeko eskatu dute Iruñean
Yala Nafarroa kolektiboak deitutako manifestazio jendetsua izan da larunbat arratsaldean Iruñean, palestinar herriari elkartasuna adierazteko eta Israeli zigorrak jartzea eskatzeko.
Antoniutti parkean hasi dute protesta, 'Israelek ez du bete! Isolamendua orain!' zioen pankarta batekin. Atzetik, Genevako Hitzarmenetako hainbat artikulu, NBEko Segurtasun Kontseiluaren ebazpenak eta Haurren Eskubideen Hitzarmeneko artikuluak zeramatzaten kartelak erakutsi dituzte dozenaka herritarrek.
Gazteluko plazan amaitu da manifestazioa, agiri bat ikurrita. "Israelek azken 15 hilabeteetan egindako suntsiketaren basakeria eta deshumanizazio mailak ez du aurrekaririk historia modernoan, bai intentsitateagatik, baita aldebakartasunagatik ere", salatu dute deitzaileek.
Israel izan dela "galtzaile nagusia" nabarmendu dute Iruñean, "bere gerra eta suntsipen makina guztiekin eta Estatu Batuen eta Mendebaldeko gobernu gehienen baldintzarik gabeko babesa izan arren". Izan ere, Yala Nafarroa kolektiboko kideek uste dute Palestinako herriak, "munduko herri eta gobernu ausart batzuen babes bakanekin (Hegoafrikakoarekin, adibidez), imajinaezina zenari eutsi dio, eta ez hori bakarrik, munduko bosgarren armada atzera egitera behar du".
Yala Nafarroak gogor deitoratu du "Israeli ezarri beharreko isolamendua eta zigorrak oraindik ezarri ez izana". "Badirudi ausardia falta dela Israel nazioarteko legedia errespetatzera behartzeko, beste edozein estaturi eskatzen zaiona ez zaiolako eskatzen", salatu dute.
Hori dela eta, gatazka honetan, "herri palestinarrak bere lurraldean bizirauteko duen eskubideaz gain", "Bigarren Mundu Gerraz geroztik nazioartea gidatu duen sistema juridikoaren iraupena dago jokoan", ohartarazi dutenez.
Iruñean ez ezik, Estatu osoko 60 hiritan egin dituzte elkarretaratzeak eta manifestazioak larunbat honetan, Gazako eta Zisjordaniako gerraren aurka eta bakearen eta herri palestinarraren alde egiteko. Tartean, elkarretaratzeak egin dituzte Bilbon, Donostian eta Gasteizen goizean.
Zure interesekoa izan daiteke
Mariatxi talde batek Bizkaiko DYAko presidente ohia hartu du Bizkaiko Lurralde Auzitegiaren atarian
Fernando Izaguirre Bizkaiko DYAko presidente ohia epaitzen hasiko dira astearte honetan, gobernuz kanpoko erakundearenak ziren 4,75 milioi euro bereganatzea leporatuta. Fiskaltzak eskatu du akusatu naguiak 7 urteko kartzela-zigorra bete dezan, iruzurra egitea egotzita.
Ikerketa batek melatonina luzaroan kontsumitzea bihotz-gaixotasunen bat izateko arriskuarekin lotu du
Amerikako Bihotzaren Elkarteak aurkeztutako lan batek eztabaida sortu du adituen artean, iradoki baitu urtebete baino gehiagoz melatonina hartzeak bihotz-gutxiegitasuna izateko arriskua areagotu dezakeela. Espezialistek lasaitasunerako deia egin dute, eta gogorarazi dute farmazietan errezetarik gabe saltzen diren produktuak ezin direla bi miligramotik gorakoak izan.
Abisu horia baso-sute arriskuagatik EAEn
Abisua indarrean egongo da asteartean eta asteazkenean, hegoaldeko haize-bolada bortitzak aurreikusten direlako.
Gaur hasiko da Bizkaiko DYAko presidente ohiaren aurkako epaiketa, 4,75 milioi euro bereganatzea leporatuta
Fiskaltzak 7 urteko espetxe-zigorra eskatu du.
21 urteko gizonezko bat atxilotu dute Gasteizen, bikotekideari eraso egin eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Asiar liztorra, espezie inbaditzaile eta kezka eragilea
Bi astean hiru pertsona hil dira Galizan asiar liztorrek ziztatuta. Horrek espezie inbaditzaileak eragiten duen kezka areagotu egin du Euskal Herrian ere. Zer egin beharko genuke asiar liztorren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu horri aurre egiteko.
Taldean egindako eraso faxista eta LGTBIfobiko bat salatu dute Gorraizko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak kritikatu du Eguesibarko Udalak irailean gertatutako erasoaren aurrean deus ere ez esan izana.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.