Bi gaztek 480 euro ordaindu beharko dituzte Bilbon bikote homosexual bati egindako eraso homofoboagatik
Bizkaiko Probintzia Auzitegiak bi gazte zigortu ditu Bilbon bikote homosexual bati eraso egiteagatik beren sexu-orientazioa dela-eta. Frogatutzat jotako gertaerak 2022ko uztailaren 8ko goizaldean izan ziren, Bizkaiko hiriburuko diskoteka baten kanpoaldean, eztabaida baten ondoren. Eztabaida horretan, bi auzipetuek eraso eta iraindu egin zieten bikotekideei, "pertsona homosexualekiko beren etsaitasunak" bultzatuta eta "umiliatzeko eta haien duintasuna kaltetzeko helburuarekin".
Auzitegiak, aldeen (Fiskaltza, akusazio partikularra eta defentsak) arteko adostasun-epai baten arabera, zeina irmoa baita, oinarrizko eskubideen kontra egindako delitu baten egiletzat jo ditu biak, diskriminazio-arrazoiengatik duintasuna urratzearen modalitatean, eta lesio-delitu arin biren egiletzat.
Lehenengoarengatik, bina hilabeteko espetxe-zigorra ezarri die. Hori egin beharrean, lau hilabeteko isuna (bi euro eguneko) eta bi hilabeteko isuna (bi euro eguneko) bete beharko dute. Lesio-delitu arin bakoitzeko, egunero bi euroko isuna ezarri dio akusatu bakoitzari, hilabetez.
Bizkaiko Auzitegiak, gainera, irakaskuntzaren, kirolaren eta aisialdiaren arloetan hezkuntzako lanbide edo ogibiderako desgaikuntza-zigorra ezarri du, hiru urte eta bi hilabetekoa bientzat.
Kasu honetan, auzitegiak, biei dagokien zigorra ezartzerakoan, oso kualifikatutzat jotzen du kaltea konpontzeko inguruabar aringarria; izan ere, "eragindako kalteak konpontzeko, auzipetu bakoitzak 1.500 euro sartu zituen" Auzitegiaren kontuan, eta zenbateko hori biktimei eman beharko zaie, epaiak hori dakar eta.
Albiste gehiago gizartea
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.