Zazpi urtez kanporatu egingo dute Uharteko jaietan bederatzi adingaberi sexu erasoak egin zizkien gizona
Uharteko (Nafarroa) iazko jaietan bederatzi adin txikikori sexu erasoak egiteagatik atxilotutako gizonezkoa kanporatu egingo dute zazpi urtez Espainiako Estatutik. Gaur zen epaiketa hastekoa Nafarroako Lurralde Auzitegian, baina aldeek akordioa itxi dute saioa hasi aurretik. Hala, epaileak 18 urteko espetxe-zigorra (2 urte eraso bakoitzeko) ezarri dio erasotzaileari, baina horren ordez, kanporatze-zigorra bete dezala adostu dute: zazpi urtez Espainiako Estatutik kanpo egon beharko du.
Behin epe hori igarota akusatua Espainiako Estatura itzultzen bada, ezingo du biktimen bizitokietara eta horiek dauden lekuetara hurbildu (200 metroko urruntze agindua) bederatzi urtetan. Denbora horretan zaintzapean egongo da eta ezin izango da adin txikikoekin lotura izan dezakeen ezein lanbidetan aritu.
Zigor Kodearen arabera, auzipetu bati delitu batengatik gehieneko zigorra ezarriz gero, ezin zaio ezarri horren hirukoitza baino handiagoa den zigor orokorra. Kasu honetan, bi urteko hainbat zigor dituenez, gehienez sei urtekoa izango litzateke kartzelaldia, kanporatzea erabaki izan ez balitz.
Eragindako kalte moralengatik hasieran eskatutako kalte-ordainak jasotzeari uko egin diete biktimek.
2024ko irailean gertatu ziren erasoak, Uharteko jai eremuan. 35 urteko gizonak ukituak egin zizkien barraketan zebiltzan bederatzi adingaberi, bertara igo eta jaisteko unean. Bertako langilea zen.
Nafarroako Lurralde Auzitegian goizean egin den ahozko saioan, akusatuak onartu egin ditu leporatzen zaizkion delituak, eta bi aldeek zigorra ontzat emandakoan, epaileak ebazpen irmoa igorri du.
Idatzian, Fiskaltzak dio erasoen ondorioz, biktimek arazo emozionalak dituztela. Besteak beste, urduritasuna, lo egiteko arazoak eta bestelako nahasmenduak aipatu ditu.
Epaia ezagutu ondoren, Beatriz Gurucelain akusazioaren abokatua pozik agertu da hedabideen aurrean, bereziki, "gizonezko hau Estatutik kanpo" egongo delako. Bere hitzetan, akordioak "zigorra" ahalbidetu du.
Bere aldetik, Lurdes Pascual defentsaren abokatuak esan du akordioa ontzat eman bada ere, akusatuak ez dituela gertakariak bere horretan aitortzen.
Albiste gehiago gizartea
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.
Auroroek Gasteizko Alde Zaharrean barrena abestu dute, Andre Maria Zuriaren jaietarako deia eginez
Igande honetan izandako Arrosarioaren Prozesioak milaka gasteiztar bildu ditu, Andre Maria Zuriaren horma-hobiaren aurrean hasita eta San Migel elizan egindako meza batekin bukatuta.