Sendagiria jaso du Calpeko istripuan aita galdu zuen eta larri zauritu zen adingabe azpeitiarrak
Atzo Calpen (Alacant) bizikletan ibiltzen ari zela auto batek harrapatu zuen 14 urteko adingabe azpeitiarrak sendagiria jaso du gaur, atzoko istripuan aita galdu ostean. Urgentziazko ebakuntza egin zioten, eta ordu batzuetara ospitalea utzi ahal izan du.
Guardia Zibilak atxilotu egin zuen txrrindulariak harrapatu zituen 20 urteko gidaria, eta zuhurtziagabekeriagatiko giza hilketa, lesioak eta bide-segurtasunaren aurkako delituak egotzita. Gaur, baina, libre geratu da, epaileak deklaratzera deitzeko zain, eta bigarren droga testa egingo diote.
Hildako gizona urrestildarra zen, Azpeitiko auzo ezagun horretakoa. Urtero joaten ziren Calpera bizikletan ibiltzera. Taldean ibiltzen ziren eta atzo, adibidez, 20 bat laguneko taldean zihoazen autoak harrapatu zituenean.
Atxilotuari alkoholemia-testa egin zioten, baina ez dago oraindik emaitzen berririk, eta Poliziak ez du inongo hipotesirik baztertzen.
Ezbeharra 11:30ak baino lehentxeago izan zen, 332 errepide nazionalean, Alacanteko Calpe herriko Mascarat tunelaren inguruan. Ikertzen ari diren arrazoiak tarteko, ibilgailu batek txirrindulari talde batean zihoazen bi pertsona harrapatu zituen.
Harrapaketaran ondorioz, gizon heldua istripuaren tokian bertan hil zen, "kolpearen ondorioz", eta beste txirrindularia, 14 urteko semea, "larri zaurituta" eraman zuten ospitalera SAMU anbulantzia batean.
Lekuan bertan medikuek 14 urteko beste gazte bat ere artatu behar izan zuten, txirrindulariekin zihoana, eta Deniako Ospitalera eraman zuten femurra hautsita. 20 urteko gazte bat ere artatu behar izan zuten antsietate krisi bategatik.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.