Hiru urte eta erdiko zigorra diskoteka-atezain bati, gizon bati eraso eta barrabil bat galaraztea egotzita
Bilboko dantzaleku baten atezain bati ezarritako hiru urte eta erdiko kartzela-zigorra berretsi du EAEko Justizia Auzitegi Nagusiko Arlo Zibileko eta Zigor-arloko Salak, biktima diskotekako areto pribatu batera sartzen saiatu eta atezainak sartzea eragotzi zion, barrabiletan hainbat belaunkada emanda.
Bizkaiko Probintzia Auzitegiaren epaia berretsi du EAEko Justizia Auzitegi Nagusiak. 2022ko abenduaren 24ko goizaldean, Bilboko dantzaleku baten areto pribatura sartzen saiatu zen biktima, eskumutur-sarrera egokia izan gabe, eta atezainak ez zion sartzen utzi.
Orduan biktimak buelta eman zuen eta, eskaileretatik jaisten ari zela, akusatuak "mina sortzeko asmoarekin, eutsi, buelta eman zion eta hainbat belaunkada eman zizkion barrabiletan". Erasoaren ondorioz, barrabiletako bat galdu zuen biktimak.
Epaiaren aurkako helegitea aurkeztu zuen dantzalekuaren atezainak, esanez errugabe presuntzioa urratu ziotela, eta epaia "gertaera zehaztugabe eta partzial batean" oinarrituta zegoela.
Akusatuaren arabera, ez zion erasorik egin, biktima eskaileretatik behera erori egin zela, edanda zegoelako, eta eroriko horren ondorioz galdu zuela barrabila.
EAEko Justizia Auzitegi Nagusiak gogoratu duenez, bertsio hori "duda izpirik gabe" atzera bota zuen Bizkaiko Probintzia Auzitegiak "epai txukuna" eginda. "Zigorra kargu-frogan oinarritzen da", ondorioztatu du Justizia Auzitegi Nagusiak, nahiz eta akusatuak "auzitegiak egindako frogen balorazioarekin bat" ez etorri.
Espetxe-zigorraz gain, akusatuak 75.787 euro ordaindu beharko dizkio biktimari, eragindako lesioengatik. Epaia ez da irmoa, eta Gorenean errekurritu daiteke.
Albiste gehiago gizartea
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.
Osakidetzak 10.000 haurtxo immunizatuko ditu bronkiolitis akutuaren aurka
Hasieran, katarroaren antzeko sintomak agertzen dira, hala nola mukiak, eztula edo sukarra, baina egun batzuen buruan beste sintoma batzuk ager daitezke, adibidez, arnasa hartzeko zailtasunak, txistuak edo nekea, eta neke horrek esnea hartzean eragiten die haurtxoei.
CIC bioGUNEren ikerketa batek gibeleko minbizi arraro eta oldarkor bat tratatzeko bide berri bat aurkitu du
Aurkikuntzek iradokitzen dutenez, zelulen barruan magnesioa garraiatzeaz arduratzen den CNNM4 proteinaren blokeoak tratamendu zuzen, seguru eta eraginkorra eskain lezake, minbizi horren aurkako terapia pertsonalizatuetarako bide berriak irekiz.