50 kilo speed ekoizteko moduko laborategi bat desegin dute Sestaon
Guardia Zibilak sei pertsona atxilotu ditu Bizkaian, Araban, Errioxan eta Burgosen droga trafikoa eta gaizkile taldeko kide izatea egotzita. Taldeak speeda ekoizteko laborategia zuen Sestaon (Bizkaia) eta marihuana modu masiboan hazteko beste laborategi bat Angucianan (Errioxa).
Sestaoko laborategia desegin zuten unean, 50 kilo anfetamina prestatzeko prest zegoen. Angucianakoa, berriz, urtero lau uzta egiteko prestatuta zegoen. Droga Bizkaian, Errioxan eta Burgosen banatzen zuten gaizkileek.
Atxilotutako pertsonei hainbat delitu egotzi dizkiete, parte-hartze maila ezberdinarekin: droga trafikoa, gaizkile taldeko kide izatea, dirua zuritzea, lapurreta, eta aldez aurretik ezarritako zigorra edo kautelazko neurria urratzea. Izan ere, atxilo hartutako batzuek aurrekariak zituzten. Taldearen bi buruzagiak kartzelatzeko agindua eman zuen epaileak.
Armatutako institutuaren arabera, susmagarriak urtebetez ikertu eta zelatatu zituzten agenteek. Errioxako Guardia Zibileko agenteek abiatu zuten ikerketa, Angucianako gizon bat legez kontrako jardueretan zebilela susmatuta. Gerora egiaztatu zutenez, gizon hura zen taldearen burua.
Inguruko probintzietako beste unitate batzuekin informazioa partekatu ostean, Bizkaiko Guardia Zibilak ere gizon bera susmopean zuela jakin zuten. Ikerketak aurrera egin ahala taldeko kideak identifikatu zituzten eta taldearen egitura zehaztu zuten. Taldekide bakoitzak egiteko zehatza zuen: batzuek droga ekoizten zuten, beste batzuek garraiatu eta gainerakoek, banatu.
Guztira, sei miaketa egin zituzten agenteek Araban, Bizkaian, Burgosen eta Errioxan. Miaketotan aipatutako bi laborategiak desegin dituzte, eta speeda fabrikatzeko beharrezko materiala aurkitu. Halaber, honakoak topatu zituzten: 22.630 euro eskudirutan, 2.308 dosi speed, anabolizanteak, LSDa, bi suzko arma, munizioa, Espainiako Poliziaren plaka bat, eta froga gisa erabil zezaketen dokumentazio ugari.
Guardia Zibilaren arabera, taldeak trafikatzaile txikien, azken kontsumitzaileen eta diskoteka baten bezeroen artean saltzen zuen droga. Lortutako dirutza zuritzen zuen taldeak, gerora.
Zure interesekoa izan daiteke
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian
Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.
Korrika egin, osasuntsu zahartzeko: Fernando eta Leopoldo, 81 eta 76 urterekin atxintxika egiten jarraitzen duten beteranoak
Fernandok 31 Behobia daramatza, azken bi urteetan beteranoena izanik, eta Leopoldo erretiroa hartu baino pixka bat lehenago hasi zen kilometroak egiten. Korrika egitea botikarik onena da bientzat, ez bakarrik ongizate fisikoagatik, gaixotasunak prebenitzen eta sasoiz zahartzea atzeratzen ere laguntzen baitie.