EAEko Auzitegi Nagusiak baliogabe utzi du Bergaran hondakin planta bat eraikitzeko emandako ingurumen-baimena
Euskal Autonomia Erkidegoko Justizia Auzitegi Nagusiak baliogabetu egin du Eusko Jaurlaritzak Valogreene paper enpresari Bergaran (Gipuzkoa) planta bat eraikitzeko emandako ingurumen-baimena.
Eusko Jaurlaritzak ingurumen-baimena eman ondotik, gora jotzeko errekurtsoa aurkeztu zuten Bergarako Udalak, Ekologistak Martxan taldeak eta Bergarako bi bizilagunek. Jasangarritasun eta Ingurumen Sailak, ordea, atzera bota zituen eta orain horiei buruzko erabakia hartu du EAEko Justizia Auzitegi Nagusiak.
Justizia Auzitegi Nagusiak emandako lau epai horien arabera, Bergarako Udalak kareharrizko materiala ekoizteko instalazioak eraikitzeko baimena eman zuen, ez, ordea, papergintzako hondakinak errausteko planta bat egiteko.
Dena den, epaia ez da irmoa eta Eusko Jaurlaritzak 30 eguneko epea du kasazio-helegitea aurkezteko.
Bergarako Udala, pozik
Bergarako Udala pozik mintzatu da EAEko Justizia Auzitegi Nagusiak emandako epaia dela eta.
Gaur goizean Bergaran egindako prentsaurrekoan Gorka Artola alkateak azaldu duenez, epaiak berretsi du papergintzako hondakinak errausteko instalazio bat "mozorrotu" nahi izan dutela kareharrizko materiala ekoizteko instalazioarekin.
Azkenik, alkateak berretsi du herritarren osasunaren eta interes orokorraren alde lanean jarraituko dutela.
Albiste gehiago gizartea
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.
Auroroek Gasteizko Alde Zaharrean barrena abestu dute, Andre Maria Zuriaren jaietarako deia eginez
Igande honetan izandako Arrosarioaren Prozesioak milaka gasteiztar bildu ditu, Andre Maria Zuriaren horma-hobiaren aurrean hasita eta San Migel elizan egindako meza batekin bukatuta.