Frantziako Asanbleak emisio gutxiko eremuen kontrako lege-proposamena onartu du
Ipar Euskal Herrian eta Frantzian emisio gutxiko eremuak bertan behera uzteko artikulua onartu du ostegun honetan Frantziako Asanbleak. Les Republicains eta Rassablement Nationale alderdiek aurkeztu dute lege-proiektuaren artikulua, eta, aurrera atera da, 98 aldeko botorekin, eta aurkako 51rekin. Hala ere, isuri gutxiko eremuak behin betiko ezeztatzeko berriz ere bozkatu beharko du Asanbleak. Hori ekainaren 13an izango da.
Azken hilabeteetan hautsak harrotuta daude Frantzian emisio gutxiko eremuak direla eta. Urte hasieran, adibidez, Lapurdin geldiarazi egin zuten kostaldeko errepide nagusia emisio gutxiko eremu izendatzeko prozesua, Frantziako Asanbleako batzorde batek neurri horien aurka agertu ondotik.
2018an onartu zen Frantzian Emisio Gutxiko Eremuen araudia, kritika askoren artean. Auto gidarien zenbait elkarte eta alderdi politiko batzuk, hala nola Marine Le Penen ultraeskuindarrarena, neurriaren aurka azaldu dira behin baino gehiagotan, neurri baztertzaileak direla argudiatuta.
François Bayrou Frantziako lehen ministroak gidatzen duen taldearen aburuz, erabakia "aldrebesa" da, eta Agnès Panier Runacher Ekologia ministroak, berriz, esan du Emisio Gutxiko Eremu batzuetan (Parisen eta Lyonen, kasu) neurria mantentzeko ahalegina egin duela, zuzenketa bat aurkeztuz, baina parlamentariek baztertu egin dutela.
"Neurri honek ahalbidetzen du herritarrak baldintza osasungarrietan bizitzea. Airearen kalitate eskasak milaka heriotza goiztiar eragiten ditu urtero, baita gaixotasun larriak eta patologiak ere, umeen artean, batik bat", kritikatu du ministroak.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.