Abisu horia tenperatura altuengatik, astearte eta asteazkenerako
Eusko Jaurlaritzako Segurtasun Sailak abisu horia ezarri du astearte eta asteazkenerako, tenperatura oso altuak izan daitezkeelako. Izan ere, termometroek 35 ºC-tara iritsi ahal izango dira Ebro bailaran eta kantauri isuriko barnealdean 32 ºC izango dira.
Bihar, asteartean, 13:00etatik 19:00etara egongo da ezarrita abisu horia. Euskalmeten iragarpenaren arabera, tenperatura altuenak 35 ºC-ren bueltan ibiliko dira Ebro bailaran eta 34 ºC inguruan trantsizio gunean. Kantauri isurialdeko barneko bailaretan 32 ºC-tara iritsi daitezke. Azkenik, kostaldean 26 ºC-tan errendituko dira termometroak.
Gauean, berriz, kostaldean 18 ºC inguru izango dira, 16 ºC kantauri isurialdeko barnealdean, 15 ºC trantsizio gunean eta 17 ºC Ebro bailaran.
Nafarroako AEMETek ere abisu horiak ezarri ditu astearterako; Nafarroa erdian eta Pirinio inguruan ekaitzengatik eta Erriberan tenperatura altuengatik eta ekaitzengatik. Ia lurralde osoan kazkabarra egiteko aukerak daudela aurreikusi dute eta haize bolada indartsuak espero dituzte. Horrez gainera, egunean zehar, tenperatura 36 ºC-ra iritsi daiteke Erriberan.
Eguraldiaren iragarpenari dagokionean, egun eguzkitsua espero da Hego Euskal Herrian, baina zerua ez da erabat oskarbi egongo. Arratsaldean, bero hodeiak garatuko dira eta ekaitzak jo dezake, batik bat barnealdean.
Asteazkenean ere bero egingo du eta berriro ere ekaitzak jo dezake. Barnealdeko zenbait lekutan tenperatura maximoek 30 ºC-ak gaindituko dituzte eta kostaldetik hurbil ere beroa egingo du. Goizean giroa argia izango da, ostarteekin, eta hauts-gandua ager daiteke. Arratsaldean bero-hodeiak garatuko dira eta zaparrada trumoitsuak bota ditzake.
Eusko Jaurlaritzako Segurtasun Sailak abisu horia aktibatu du 12:00etatik 19:00etara tenperatura altuengatik. Tenperatura maximoak 33 ºC-koak izan daitezke kostaldean, eta 34 ºC-koak barnealdean; trantsizio-eremuan eta Ebroren ardatzean, berriz, 31 ºC-koak.
Gaueko tenperaturak, aldiz, baliteke 19 ºC-tik ez jaistea kostaldean, 18 ºC-tik barnealdean, 17 ºC-tik trantsizio-eremuan eta 18 ºC-tik Ebroren ardatzean.
Bestalde, AEMET Nafarroak abisu horia ezarri du ekaitzengatik Erriberan, ekaitz gogorrak eta txingorra espero direlako.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.