Musika, nagusi: EAEko 10 kultur ekitalditatik hiru musikari lotutakoak dira
2024an, 20.000 kultur ekitaldi inguru izan ziren EAEn, Kulturklikek jasotako datuen arabera, eta 10etik hiru musikari lotutakoak izan ziren. 6.342 kontzerturekin, musika euskal agendan gehien agertzen den forma kultural gisa finkatu da. Ondoren antzerkia (4.239 ekitaldi) eta, urrunago, zinema/ikus-entzunezkoak (2.349) eta dantza (860).
Ekitaldien bolumen osoa hirigune handietan pilatzen den arren —Bilbon, Donostian eta Gasteizen biltzen da urteko kultur eskaintzaren ia erdia—, datuek banaketa konplexuagoa erakusten dute eskualdeka begiratuz gero, nahiz eta kasu ia guztietan musika eta antzerkia nagusi diren.
Bilbo Handia da liderra, 6.414 ekitaldirekin, ondoren Donostialdea (4.337) eta Arabako Lautada (2.550). Hiru eremu horiek, hiriburuak barne izateaz gain, azpiegitura gehiago dituzte eta errazagoa da joan-etorriak egitea.
Hala ere, biztanle gutxiago dituzten eskualdeetan ere kulturak indarra du: sei eskualdetan urtean 10 ekitaldi baino gehiago izaten dira 1.000 biztanleko, besteak beste, Gorbeialdean (17,7), Arabako Mendialdean (12,4), Tolosaldean (10,7) eta Debagoienan (11). Bizkaian, eskualde bakar bat ere ez da iristen marka horretara; Durangaldea soilik hurbiltzen da, 1.000 biztanleko 9 ekitaldi egiten baitira bertan.
Halaber, 1.000 biztanleko 7 ekitaldi baino gutxiago dituzten hiru eskualde nabarmentzen dira: Bizkaian, Arratia-Nerbioi (6,6) eta Enkarterri (4,9); eta Gipuzkoako Bidasoa (5,7).
Musika eta antzerkia, ia eskualde guztietan nagusi
Datuak ekitaldi motaren eta eskualdearen arabera aztertuz gero, ikusten da kasu ia guztietan musika eta antzerkia direla gehien agertzen diren kategoriak. Joera orokorra da, baita landa-eremuetan eta biztanleria-dentsitate txikiagoa duten lurraldeetan ere. Enkarterrin, esaterako, oro har programazio urriena duen eskualdeetako batean, antzerkia eta musika dira eskaintzan nagusi. Donostialdean eta Bilbo Handian, bolumen handia duten arren, proportzioak mantendu egiten dira.
Saretzenek ondutako txostenak Kulturklik plataformaren kategoriak sinplifikatzen ditu konparazioa errazteko; hala, musika eta dantza barne hartzen dituen ekitaldiak "misto" gisa sailkatu dira. Hala ere, hierarkia orokorra argi mantentzen da: lehenengo, musika, eta gero, antzerkia. Araban izan ezik, bertan sei eskualdeetatik lautan kontrakoa gertatzen da: antzerki gehiago dago, musika baino.
Dantzak, bestalde, leku txikiagoa izan zuen programazioan: 860 ekitaldi, eta 49, urte osoan zehar.
Eszenatokietatik haratago, bestelako arterako tarterik ere izan zuen 2024ak: iaz 1.372 erakusketa inauguratu ziren. Eta, horiekin batera, 4.700 ekitaldi baino gehiago hitzaldiak, tailerrak eta bestelako ekitaldiak izan ziren.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.