Albiste izango dira: Bero bolada, Basque Segurtasun Foroa eta Santos Cerdanen deklarazioa Auzitegi Gorenean
Gaurkoan albiste izango direnen laburpena, bi hitzetan.
Honako gai hauek hartuko dituzte gaur, 2025eko ekainaren 30ean, hedabideetako lerroburu nagusiak:
- Bero bolada: Asteburu beroaren ondoren, bero-boladak jarraipena izango du astearen hasieran, eta berriro 30 ºC-tik gorako tenperaturak neurtuko dira hainbat tokitan. Tenperatura altuengatik ezarritako abisu horia asteartera arte egongo da indarrean Euskadin. Aemetek beroari dagokion alerta laranja ezarri du Erriberan eta abisu horia, berriz, Nafarroako gainerako tokietan. Ipar Euskal Herrian, bestalde, elur jausi arriskuagatik dago indarrean abisu horia. Gainera, beroagatik alerta laranja aktibatu du Meteofrancek Pirinio Atlantikoen Departamentuan.
- Basque Segurtasun Foroa: Euskadiko Segurtasun Integralaren kontzeptuari buruzko hausnarketa abiatuko dute Euskalduna Jauregian. Eusko Jaurlaritzak bultzatutako ekimen honek Euskadin segurtasunaren inguruan dauden erronka nagusiak gogoeta eta diagnosi partekatu baten bidez lantzea du xede.
- Santos Cerdanen deklarazioa Auzitegi Gorenean: Santos Cerdan PSOEko antolakuntza idazkari ohiak Leopoldo Puente Auzitegi Goreneko epailearen galderei erantzungo die astelehen honetan, UCOren txostenaren harira, ikertu gisa. Txosten horrek ustez Koldo auziko sarearekin eta obra publikoen esleipen irregularrarekin lotzen du Cerdan. 10:00etarako jarri diote hitzordua eta ateak itxita deklaratuko du.
Albiste gehiago
Gizon bat atxilotu dute Bilbon, apirilean izandako hilketa baten egilea delakoan
Bilboko ertzain-etxean dago, atxiloturi, beharrezkoak diren izapideak amaitu zain.
Bero-boladan ondo lo egiteko aholkuak
Carla Pia Arabako ESIko Loaren Unitateko neurofisiologoak adierazi duenez, bero-boladetan jende askok okerrago egiten du lo, maila zentralean gure tenperatura jaitsi egin behar delako lo hartzeko, eta egun hauetako beroarekin zailagoa da. Arropa gutxiagorekin edo estali gabe lo egitea gomendatzen du, nahiz eta pertsona batzuei kosta egiten zaien.
Min kronikoa duten pertsonen kopurua igo egin da Euskadin, eta, horrekin batera, opioideen erabilera
Euskadin, 370.000 pertsonak pairatzen dute egunero min kronikoa, eta opioideen erabilera bikoiztu egin da sei urtean. Gorakada horrek alarma guztiak piztu ditu, eta botika horien abusua osasun publikoko arazo bihurtzen ari da. Adituek ohartarazi dute premiazkoa dela paradigma aldatzea: min iraunkorra tratatu bai, baina mendekotasuna saihestuta.
EHUk irudi berria aurkeztu du, Chillida Lekun
Chillidak bere garaian egin zuen "kontzeptu unibertsala"ri eutsi dio EHUk, baina marka sinplifikatu du "argiagoa eta gogoratzeko errazagoa egiteko, eta komunikazio inguru berrietara egokitzeko". Horrez gainera, EHUren ereserkia izango den abestia ere aurkeztu dute. Luca Fanelli eta Jone Uria irakasleek egin dute, eta Leire Berasaluzek abestu du.
Osakidetzak 67 lagun artatu ditu azken 10 egunetan, tenperatura altuen ondorioz
Osasun Sailak jakitera eman duenez, 55 pertsona horietatik 37 ospitaleetara nahiz osasun zentroetara eraman behar izan dituzte. Gipuzkoan jazo dira kasu gehienak (40), eta ekainaren 24, 28 eta 29an izan dira beroarekin lotutako intzidentzia kasu kopururik handienak.
Bidaiari bat atxilotu dute Loiun, kontrabandoagatik
Atxilotuak 2.550 tabako-pakete zeramatzan fakturatutako ekipajean.
Uztailaren 7an zezenketen aurkako kalejiran parte hartzeko gonbita egin die Iruñea Antitaurina taldeak herritarrei
Txupinazo egunean Udaletxe Plazatik abiatuko den kalejiraren aurkezpena egin du elkarteak astelehen honetan, Iruñean. "Animaliei tratu txarrak ematea" festaren parte izatearen kontra agertu da taldea, eta "herritar gehienak zezenketen aurka" daudela gaineratu du.
Pablo Ibarren senideak "itxaropentsu, baina zuhur", agertu baita Floridako krimenak nork egin zituen dakien lekukoa
Pablo Ibarren senideak "itxaropentsu, baina zuhur" daude, Floridako krimenen benetako egileak ezagutzen dituen lekuko bat agertu berritan.
Alarde zatitua beste urte batez Irunen, San Martzial egunarekin batera
7:40an atera da Alarde Tradizionala, eta 10:20ean hasi du ibilbidea Parekideak.