Goizeko arazoak eta ilarak konponduta, lasaitasuna nagusi euskal errepideetan
Goizean, AP-8an hiru kilometrorainoko auto-ilarak sortu dira Biriatun. Halaber, AP-1erako sarbidea itxi behar izan dute, A-1 errepidean, Armiñonen, hiru autok istripua izan ondoren, baina eguerdirako ireki dute.
Gaur, uztailak 25 (jaieguna Araban, Bizkaian, Gipuzkoan eta Nafarroan), udako oporren hasiera da herritar askorentzat eta hori nabari da Euskal Herriko errepideetan.
Esaterako, hiru kilometrorainoko auto-ilarak sortu dira AP-8 autobidean, Biriatun, trafiko astunak eraginda. Halaber, ibilgailuen joan-etorria handia izaten ari da A-8an, bereziki, Bizkaia eta Kantabria arteko mugan.
Araban, A-1 eta N-622 errepideak bat egiten duten tokian izan dira.
AP-1erako sarbidea, berriro zabalik
Eguerdia igarota ireki dute AP-1erako sarbidea Armiñonen, Burgosera bidean, goizeko lehen ordutik itxita egon ondoren.
Eusko Jaurlaritzako Segurtasun Sailak jakinarazi duenez, hiru ibilgailuk istripua izan dute A-1 errepidean, Armiñon parean.
Ezbeharra 09:00ak aldera gertatu da eta bi pertsona zaurituta eraman dituzte ospitalera. Ondorioz, AP-1erako sarbidea itxi dute Burgoserako noranzkoan, eta auto-ilarak sortu dira inguruan.
Bien bitartean, Ertzaintza aritu da trafikoa bideratzen.
Bi motozale zauritu dira Donostian
Gizon bat eta emakume bat zauritu dira gaur goizean Donostiako saihesbidean (GI-20), motor batek eta ibilgailu batek talka egin ostean. Zauritutako bi motozaleak Donostiako Ospitalera eraman dituzte.
Eusko Jaurlaritzako Segurtasun Sailak jakinarazi duenez, ezbeharra 11:00ak aldera gertatu da eta ordubetez errepidea itxi behar izan badute ere, 12:00etarako berriro ireki dute.
Gizarteari buruzko albiste gehiago
Carla Emazabel Amunarrizek izan du aurten kutxa eramateko ohorea eta amets bikoitza bete du: berea eta aitonarena
Duela 30 urte, Carlaren aitonak ez zekien bilobarik izango zuenik ere, baina zilarrezko ezteietan Sevillara joan zenean, erakusleiho batean mantoia ikusi, erosi eta gordeta izan du ordutik. Inork ez zekien zeukanik, eta gaur Carlak ohore handiz jantzi du. Hura soinean, 40 buelta eman dizkio 20 kiloko kutxari, bere aitak itsasoan daramatzan urteak hainbeste.
Donibane Lohizuneko klinika pribatuak zerbitzu publikoko larrialdi zerbitzua eskaintzen jarraituko du
Azken urteetan itxita egon dira maiz larrialdi zerbitzuaren ateak, bereziki gauez, dirua eta langileak falta direla eta. Herri Berri udal oposizio taldeak deituta, herritarrek mobilizazioei ekin zieten urte hasieran, zerbitzu "iraunkor eta eraginkorra" defendatzeko.
Espainiako Poliziako komisario bat atxilotu dute Nafarroan, haren menpeko lankide bati sexu-erasoa egitea leporatuta
Epailearen esku geratu ondoren, baldintzapean aske utzi dute. Urruntze agindua ezarri diote, eta ezingo da biktimarekin komunikatu. Arma baimena ere kendu diote polizia komisarioari.
Milaka pertsonak gozatu dute Aixerrotako paellen jaian
Getxoko Nazioarteko Paella Lehiaketaren 70. edizioak milaka pertsona bildu ditu beste behin Aixerrotan, 1956ko uztailaren 25ean hasi zen festa ospatzeko. Zaporeak elkarteak kanpaina bat abiarazi du, kuadrillek arroz kiloak eman ditzaten, Greziako Lesbos uharteko errefuxiatuen kanpalekura bidaltzeko.
Marmokak iritsi dira Ondarreta, Kontxa, Barinatxe eta Lagako hondartzetara
Marmoken presentziaz ohartarazteko bandera berezia jarri dute Gipuzkoako eta Bizkaiko hondartza horietan, baina sorosleek soilik pertsona bat artatu dute. Topatu dituzten marmokak txanpon baten neurrikoak dira, eta horien ziztadak ia ez du minik eragiten.
RESAC-OFF: Adimen artifizialeko teknologia berria hondartzetan itotzeak prebenitzeko
Tekniker zentro teknologikoak denbora errealean bainulariak automatikoki detektatzeko sistema bat garatu du, adimen artifizialean oinarritua. Gailuak gune horretan dauden erresaka korronte aktiboak eta bainulariak identifikatzen ditu, jarraian sorosleei arriskuaz ohartarazteko.
Juana Rivasek bere seme txikia aitari entregatu dio
Lehen saiakerak sortu zuen zalaparta mediatikoaren ondoren, oraingoan pribatutasun handiagoz egin da.
1,3 milioi eurorekin saritua Bilboko bizilagun bat
Ostegun honetako Primitivako zozketak irabazle bakarra utzi du Zorrotza auzoan, Bilbon.
Blusa eta Neskaren Eguna, Gasteizko jaien atarian
Tradizio den bezala, uztailaren 25ean kuadrilla gasteiztarrak kalera irten dira gaur, Done Jakue egunean euren jaia ospatzeko.