Hiru pertsona atxilotu dituzte Jaso ikastolaren eraikin zaharrean izandako borroka jendetsu batean, Iruñean
Foruzaingoaren arabera, 45 pertsona identifikatu dituzte gaur egun okupatuta dagoen eraikinaren beheko solairuan. Halaber, pertsona bat arma zuriz zauritu dute.
Foruzaingoaren operatiboa, Jaso ikastolaren eraikinean
Foruzaingoak hiru pertsona atxilotu ditu Iruñean, Jaso ikastola zenaren eraikinean (Etxabakoitz) asteburuan izandako bi borroka jendetsuekin lotura dutelakoan. Gaur egun, etxerik gabeko hainbat pertsona bizi dira bertan.
Larunbatetik iganderako gauean gertatu zen lehendabiziko borroka, eta igande arratsaldean, bigarrena, Foruzaingoak jakinarazi duenez.
Bertaratutako udaltzaingoei kristalezko botilekin eraso egin zieten, eta, ondorioz, foruzainei laguntza eskatu zieten.
Borroka horietan pertsona bat zauritu zen, arma zuriz. Halaber, 45 pertsona identifikatu zituzten eraikinaren beheko solairuan, erasoa nork egin zuen jakiteko asmoz.
Bi pertsona atxilotu zituzten, arma zuriz egindako erasoaren egile direlakoan. Horrez gain, hirugarren pertsona bat atxilotu zuten bere aurkako errekisitoria bat zegoelako.
Urtarriletik, Udalak, Ekintza Komunitarioko eta Herritarren Segurtasun eta Bizikidetzako arloen bidez, Jaso ikastolaren eraikin zaharrean dauden pertsonak kontrolatzen ditu.
Normalean, astean bitan joaten da, goizez eta gauez. Denbora horretan, Udaltzaingoak 200 pertsona baino gehiago identifikatu ditu. Azken aldian, iragan astean, 47 pertsona identifikatu zituzten. Gainera, azken hilabeteetan Jasoren inguruarekin zerikusia duten 30 pertsona atxilotu dituzte.
Espazio horretan etxerik gabeko pertsonak pilatzen direnez, apirilaz geroztik patruilak egiten dira inguru horretan. Patruila horietan Udaltzaingoak eta Foruzaingoak parte hartzen dute.
Eraikina eraitsi behar dute
Iruñeko Udalak, higiezinaren jabea den Jaso ikastolarekin batera, ekainean eskatu zion Abiadura Handiko Partzuergoari eraikina eraisteko.
Eraikina abandonatuta dago duela 20 urtetik, Jaso ikastola gaur egun dagoen lekura, Mendebaldea auzora, aldatu zenetik. Orduan leiho, ate eta sarrera guztiak itxi ziren. Hala ere, azken urteotan, babesgabetasun-egoeran dauden pertsonek okupatu dute eraikina, eta etxe gisa erabiltzen ari dira.
Zure interesekoa izan daiteke
Zallako bizilagunak kezkatuta eta haserretuta, trenbide-pasaguneengatik
Ostegun honetan, furgoneta bateko gidaria hil egin da trenarekin talka egin ostean, trenbide-pasagune baten parean. Auzokideek konponbideak eskatu dituzte, baina jakin badakite ez dela erraza izango. Izan ere, Zallak 30 trenbide-pasagune baino gehiago ditu, Renfeko C4 lineak herria zeharkatzen baitu.
Furgoneta baten gidaria hil da Zallan, tren batek ibilgailuaren kontra talka eginda
Istripua 15:00ak aldera gertatu da, eta, talkaren ondorioz, trena errailetik atera da.
Miren Arzalluz: "Museo honen dimentsio bikoitzak erakartzen nau: nazioartera begira, baina herrian errotuta dago”
Arantza Ruizek Guggenheim Bilbao Museoaren zuzendaria elkarrizketatuko du ETB2ko 12 minutos saioan. Museoaren norabideaz eta erronkez arituko da berarekin. Elkarrizketa osoa ostegun honetan izango da ikusgai, 21:35ean, "Teleberri" albistegia amaitutakoan, eta ondoren EITB Nahieran atarian.
Urriaren 15eko grebaren ondorioz jaso ez duten soldataren zenbatekoa Gazako azpiegituretara bidera dezatela eskatu dute Nafarroako irakasleek
Hezkuntza kontseilariari eskatu diote lanuzteen ondoriozko soldatatik deskontatutako dirua UNRWAra bideratzeko, Palestinako hezkuntza azpiegiturak berreraikitzeko.
Auto-ilarak A-8 errepidean Bilbon, Donostiarako noranzkoan, hainbat autoren arteko istripuaren ondorioz
Istripua Zorrotzako bihurguneetan gertatu da 3 autoren artean eta gutxienez 2 pertsona zauritu dira. Auto-ilarak 4 kilometrokoak dira.
Lanean ari zen ertzain batek positibo eman du droga proban, Ertzaintzaren autoarekin beste ibilgailu baten aurka talka egin ostean
Autoaren barruan, hanka igeltsatsuta zuen gizon bat (gidaria), haur bat eta emakume bat zeuden. Lehenengo biak Gurutzetako eta Basurtuko ospitaleetara eraman dituzte, zaurituta. Ertzaintzak kautelazko neurriak hartu ditu, eta agente horrek bulegoan egingo du lan kontranalisiaren emaitza jaso eta gertatutakoa argitu arte.
Gasteizko ikastetxe batean 12 urteko bi neskatok 6 urteko bati egindako sexu-eraso bat ikertzen ari dira
Adingabeen Fiskaltzak Arabako Foru Aldundira bidali du kasua, ustezko bi egileak inputaezinak direlako.
Emakume bat hil da Erriberrin, auto-istripuz
Gidatzen zuen autoak erdibidea pasatu eta kontrako norabidean zetorren kamioi baten aurka jo du. 41 urteko emakume donostiarra tokian bertan hil da, eta kamioiaren gidaria arin zauritu da.
Zergatik agertu da gripea goizago? Osakidetzako Epidemiologia buruak zalantzak argitu dizkigu
Pello Latasa Eusko Jaurlaritzako Osasun Saileko epidemiologia-zaintzarako buruak azaldu duenez, asteotako intzidentzia-kasuak sasoiko gripearen epidemiaren hasiera izan daitezke, edo epidemiaren gorakada "goiztiarra". Zepan datza aurtengo gripearen eraginaren gakoa.
Eta covidarekin zer? "Oraindik gure artean dago, baina bere zirkulazioa murriztu da"
Pello Latasa Eusko Jaurlaritzako Osasun Saileko zaintza epidemiologikoko buruaren esanetan, covidaren birusak gure artean jarraitzen du, baina "zirkulazio gutxi gorabehera egonkorra" izaten ari da.