Irungo Udalak martxan du Itzulera Operazioa, hirian ibilgailuen trafikoa arinduko duena
Joan den ostegunean jarri zuen martxan ekintza plana Udalak. Helburu nagusia da Irunera iritsi nahi duten tokiko ibilgailuei sarbidea lehenestea.
Irungo Udalak dagoeneko martxan jarri du, hirugarren urtez jarraian, Itzulera Operazioa, udako egun hauetan autoek hiriko trafikoan izan dezaketen auto-pilaketak arindu asmo duena. Joan den ostegunean, abuztuaren 7an, jarri zuen martxan ekintza plana Udalak.
Cristina Laborda alkateak astearte honetan emandako prentsaurrekoan nabarmendu duenez, "operatibo honek, Irunera iritsi nahi duten tokiko ibilgailuei sarbidea lehenesten du. Erakundeen arteko lankidetzaren garrantzia azpimarratu ondotik, Labordak esan du " trafiko-intentsitate handiagoko momentu puntual horietan, gune batzuetako auto-ilarak eta blokeo-puntualak nabarmen murriztea ahalbidetzen du".
Azken urte hauetan, Irunen auto-ilara luzeak izaten dira mugan, eta horri konponbidea eman asmoz, Udalak azken urteotan Itzulera Operazio berezia jartzen du martxan, trafikoa arindu asmoz.
Udaltzainek, Ertzaintzarekin elkarlanean, GI-636 errepidetik Lapurdira doazen ibilgailuen trafikoa arintzea dute helburu, eta, horretarako, hiriko erdigunetik datozen ibilgailuak errepide horretan sartzea eragotziko dute, eta oinezkoentzako hainbat pasabide kentzen dituzte eta semaforoen denboretan ere aldaketak egiten dituzte, bai Santiagoko mugako sarbideetan, bai Behobiakoan.
Saihesbidea eta AP-8a saihestu
Gainera, hiriaren erdigunea inguratuko duen segurtasun-perimetro bat ezarriko da, AP-8 errepidearen eta hego ingurabidearen lotunetik ospitaleko biribilguneraino, hirigunean zirkulazioa bermatzeko, eta muga gurutzatu nahi duen ibilgailurik hiri barnean sartzea eragozteko.
Ibilgailuen joan-etorri handia aurreikusten denean, Udaltzaingoko agenteek zainduko dute hiria kolapsatu ez dadin. Eta gomendio orokor gisa, hiriko saihesbidea edo GI-636 errepidea eta AP-9 autobia ere mugara noranzkoan Irungo hiri barnetik ez erabiltzea gomendatzen da, egun hauetan trafiko handia aurreikusten baita.
Zure interesekoa izan daiteke
Osakidetzak anbulatorioetan psikologoak kontratatzeko prozesua ireki du
Profesional horien bidez, Euskal Osasun Zerbitzuko anbulatorioetan insomnioa, antsietatea, depresio arina edo antzeko nahasmendu eta ondoezei hobeto erantzutea da helburua. Kontratatuko diren psikologoak Lehen Mailako Arretan erreferenteak izango dira, eta bitartekari lanak egingo dituzte pazientearen eta familiako medikuaren eta, kasu konplexuagoetan, ospitalez kanpoko osasun mentaleko zentroetan ematen den arreta espezializatuaren artean.
![VITORIA, 17/11/2025.- El juzgado de lo Penal número 1 de Vitoria inicia este lunes el juicio contra 21 antiabortistas acusados de coacciones por realizar concentraciones frente a una clínica en la que se realizan abortos en Vitoria. EFE / L. Rico [POOL]](https://s7g10.scene7.com/is/image/eitb/juicios-askabide-efe?fmt=webp-alpha&qlt=80)
Akusatuek ukatu egin dute inor presionatu izana, eta Askabideren aurrean isilean otoitz egin zutela ziurtatu dute
Gehienek adierazi dute ez zirela inorengana hurbildu, otoitzak isilean izan zirela, eta poliziak ez ziela inoiz alde egiteko eskatu. Argumentu horiek errepikatu dira gaur Askabide klinikaren aurrean egindako kontzentrazioengatik epaitzen ari direnek emandako bertsioetan.
Jaliscoko Kartelaren Espainiako 'bulegoa' desegin dute, adar operatiboa bat Bilbon zuena
Polizia Nazionalak 20 pertsona atxilotu ditu nazioarteko makrooperazio batean. 1.870 kilo kokaina atzeman ditu, eta Espainiako Jalisco Nueva Generacion kartelaren egitura desegin du.
Bi gizon atxilotu eta droga saltzeko gune bat desegin dute Barañainen
Azaroaren 12an egindako polizia-operazioan, 35 eta 41 urteko bi gizonezko atxilotu zituzten, droga-trafikoko delitu baten ustezko egile gisa. Auzokideen salaketen ondorioz hainbat zaintza, jarraipen eta egiaztapen-lan egin ondoren jarri zen martxan polizia-operazioa.
Zabaldu dute N-1 errepidea Legorretan, Irungo noranzkoan, bi ibilgailuren arteko istripuagatik itxita egon ondoren
Goizeko lehen orduan kamioi batek eta furgoneta batek istripua izan dute, eta furgonetako gidaria Tolosako Asuncion klinikara eraman dute, zaurituta. Errepidea zabaldu arren, 09:30ean oraindik auto ilarak zeuden.
Askabideren aurrean egindako kontzentrazioengatik auzipetuek gaur deklaratuko dute Gasteizen
21 akusatuek deklaratuko dute gaur, atzo lekukoek klinikaren aurrean presio "etengabea" egiten zutela esan ostean. Fiskaltzak dio hertsapenak egon zirela.
Euskal panettone bat Italian lehiatuko da nazioarteko final handi batean
Markina-Xemeingo Tate gozotegiaren panettonea urteko panettone iberiko onenaren finalean lehiatuko da, beste hamarrekin batera. Martxel Iridoy gozogileak bere panettonearen osagaiak argitu dizkigu.
220 ibilgailu eta 384 langile prest daude Nafarroan, neguak errepideetan sor ditzakeen arazoei aurre egiteko
'Neguak ez zaitzala errepidean ustekabean harrapatu' goiburupean, kanpaina abiarazi du Foru Gobernuak, herritarrek ibilgailuak prest izan ditzaten.
Jorge Bermudez: “Adingabeen delituzko portaeraren ondoriozko neurriak gurasoen gain erori daitezke”
Jorge Bermudez Gipuzkoako Fiskaltzako bozeramaileak jakinarazi duenez, 14 urtetik beherakoek adin nagusikoentzat delitutzat hartuko liratekeen egintzak egitea gurasoen zaintza- eta heziketa-eginkizun desegokiaren ondorio izan daiteke. Hori dela eta, halakoetan, izaera zibileko edo administrazioko neurriak har daitezkeela iragarri du, familiei zuzenduta.
Oteizako azpiestazioaren atzean "espekulazio energetikoa" dagoela salatu dute
Tierra Estella No se Vende herri plataformak ziurtatu du azpiegiturak ez diela erantzuten "eskualdeko energia beharrei", eta 66 kVtik 220 kVra jauzi egiteko ze arrazoi dauden justifikatzea eskatu du.