Etxepare Euskal Institutuak euskal ikasketen katedra sortuko du Sorbona Unibertsitatean
Esther Ferrer artista donostiarraren izena hartuko du katedrak, eta "unibertso frankofonoan euskararen eta euskal sorkuntzaren proiekzioa indartzea" bilatuko du.
Etxepare Euskal Institutuak euskal ikasketen katedra sortuko du Sorbona Unibertsitatean, Parisen. Esther Ferrer artista donostiarraren izena hartuko du katedrak. Helburu batekin jaioko da: "Euskarak eta euskal kulturak duten sormen-gaitasunean, pentsamenduan eta unibertsaltasunean urrats bat ematea".
Imanol Pradales lehendakariak iragarri du ekimena, Etxepare Institutuaren 15. urteurrena ospatzeko Parisen egin duten ekitaldi berezian. Politika, gizarte eta kultura alorretako 300 eragile baino gehiago elkartu dira Frantziako Liburutegi Nazionalaren areto nagusian; erakunde horren eskutan dago Linguae Vasconum Primitiae (1545) lanaren ale bakarra, euskaraz inprimatutako lehen liburua —egun, Baionako Euskal Museoan dago ikusgai—.
Bere hitzaldian, Etxepare Institutuaren ibilbidea txalotu du lehendakariak, "zubiak eraikitzen eta euskararen eta euskal kulturaren proiekzio globala sustatzen" egindako lanagatik. "Hamabost urte, euskararen eta euskal kulturaren ahotsa munduan hedatzen, elkarrizketak sortzen, eta komunitateak lotzen", esan du.
Bide horretan, Sorbona Unibertsitatean martxan jarriko duten katedraren garrantzia nabarmendu du, eta hitz bereziak izan ditu ekitaldian bertan zegoen Esther Ferrer artistarentzat: "Katedrak izen berezia izango du. Artista baten izena. Bere ibilbidea askatasunarekin, berrikuntzarekin eta mugen hausturarekin lotu izan dena".
Eusko Jaurlaritzaren hitzetan, katedra Etxepare Euskal Institutuak urte luzez Frantziako esparru akademikoan egindako lanaren emaitza da, eta ibilbide horrek berak eraman du erakundea bere 15. urteurrena Parisen ospatzera.
Gaurko ekitaldian, Etxepare Euskal Institutuak Linguae Vasconum Primitiae lanaren 18 itzulpenak eman dizkio Frantziako Liburutegi Nazionalari.
Euskararen ofizialtasuna
Euskararen ofizialtasuna Europan aldarrikatzeko ere aprobetxatu du lehendakariak bere hitzartzea, eta hizkuntza biziberritzearen aldeko urratsak ematea eskatu die Frantziari eta Espainiari.
"Asko dugu oraindik egiteko. Horregatik, euskararen bihotzean gaudela, galdera zintzoa egiten dut: zer da euskara Europarentzat? Museo batean kateatuta egon behar duen altxor zaharkitua edo gure bihotz eta ezpainetan bizirik eta aske mantendu nahi dugun harribitxi linguistikoa? Hizkuntza aniztasunean sinisten badugu, egin beharreko politikak egiten ari al gara? Euskara milaka urte dituen Europako ondarea da, eta europar guztion ardura da ondare hau zaintzea. Bereziki, euskararen lurraldeak hartzen dituzten estatuena", esan du.
Pradalesek uste du "Europaren momentua" dela eta "aukera ezin hobea" duela 'United in diversity' leloa praktikara eramateko.
Zure interesekoa izan daiteke
Bizkaitik Nafarroara droga eramaten zuen sare bat desegin dute: lau atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga garraiatzeko arduraduna 76 urteko gaizkile beterano bat zen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.