Administrazioak azpikontratutako enpresei ezarritako hizkuntza-eskakizunak baliogabetu ditu Euskadiko Auzitegi Nagusiak
EAEko Justizia Auzitegi Nagusiak partzialki onartu du CCOO sindikatuak aurkeztutako helegite bat, eta bertan behera utzi ditu administrazio orokorrean eta atxikitako entitateetan hizkuntza erabiltzeari buruz Eusko Jaurlaritzak 2023an onartutako zenbait irizpide. Epaimahaiak argudiatu duenez, hizkuntza ofizial batek ezin du bestearen gaineko lehentasunik izan, eta azpikontratatutako langileei eta funtzionarioei ezin zaie hizkuntza-eskakizun bera eskatu.
EAEko Auzitegi Nagusiak baliogabetu egin ditu administrazio orokorrean eta atxikitako erakundeetan hizkuntza-eskakizunen gainean Eusko Jaurlaritzak 2023an onartutako hainbat irizpide. Besteak beste, herritarrekin harremanetan lehenengo hitza euskaraz egitea eta langileek dokumentuak gaztelaniara ez itzultzeko beharra. Epaitegiak partzialki onartu du Comisiones Obreras sindikatuak aurkeztutako helegitea.
Auzitegiak argudiatu du hizkuntza ofizial batek ezin duela bestearen gainetik lehentasunik izan. Bertan behera utzi dituen puntuen artean daude kontratu publikoak lortzen dituzten enpresei administrazioko hizkuntza-eskakizunak exijitzea, langileek herritarrei lehen hitza euskaraz egitea eta proiektuak eta ikerlanak euskaraz egitea, besteak beste.
Erreakzioak
Erabakiaren berri izan orduko, bata bestearen atzetik ari dira iristen erreakzioak. Euskalgintzaren Kontseiluaren iritzian, euskararen aurkako erasoaldiko "azken kolpea" da, eta LAB sindikatuaren ustez, berriz, beste behin agerian geratu da epaileek "euskararen aurkako hizkuntza politika" egiten dutela.
Bide beretik, EH Bilduk esan du epaia "euskararen eta geure erakundeen kontrako beste eraso bat" izateaz gain, "jauzi handi bat" dela "erasoaldiaren eskalan". Koalizio independentistaren iritziz, "une honetan, euskararen auzia oinarrizko auzi demokratiko bihurtu da, eta demokrazian sinesten dugun guztiok interpelatzen gaitu".
Hori horrela, euskararen normalizazioan aurrera egin ahal izateko, "segurtasun juridikoa eta geure arkitektura juridiko-instituzionala sendotasunez blindatzea inoiz baino garrantzitsuagoa" dela iritzi dio EH Bilduk.
Kontrara, Jaurlaritzak azpikontratatutako enpresei langile publikoen "hizkuntza-baldintza berak" eskatzea baliogabetu izana ontzat jo du CC.OO. sindikatuak, "kaleratze ugari" saihestuko duelakoan.
"Arrazoizkoa da azpikontratatutako enpresetako langileei betekizun berberak ez ezartzea, ez dutelako langile publikoen liberazio-sistema", argudiatu du sindikatuak ohar batean, eta gaineratu du langile horiek ez dutela dirulaguntzarik jasotzen euskara ikas dezaten.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.