Bilbok etiketarik gabeko ibilgailuentzako epea itxiko du gaur Emisio Gutxiko Eremuan
Abenduaren 31tik aurrera, A ingurumen mailako auto gehienak ezin izango dira herriko erdigunera sartu, salbuespen zehatzak izan ezik. Beraz, zer ibilgailuk jarraitu ahal izango dute EGEn sartzen?
Bilbo, Emisio Gutxiko Eremua (EGE). Irudia: EiTB Media.
Asteazken honetan, abenduaren 31n, amaituko dira Bilbon A ingurumen-kategoriako edo etiketarik gabeko ibilgailuak Emisio Gutxiko Eremura (EGE) sartzea ahalbidetzen zuten epe luzapen gehienak.
Horrenbestez, ibilgailu horiek ezin izango dira ja EGEn sartu, zirkulatu edo aparkatu, udal-ordenantzan salbuespen gisa jasotako kasuetan izan ezik.
Zer ibilgailuk jarraitu ahal izango dute EGEn sartzen?
Honako kasu hauetan sartu ahal izango dira, nahiz eta ingurumen-bereizgarririk ez izan edo B etiketa izan:
- EGEn erroldatutako pertsonen ibilgailuak; betiere, 2024ko ekainaren 15a aurretik erroldatutakoenak
- Mugikortasun urriko pertsonak garraiatzen dituzten ibilgailuak
- Ibilgailu historikoak
- 50 cc-tik beherako eta 45 km/h-ko gehieneko abiadura duten ziklomotorrak.
- Larrialdietako eta funtsezko zerbitzuetako ibilgailuak
Gainera, honako hauek 2030 urtera arteko epe luzapena izango dute eta, beraz, askatasunez zirkulatu ahal izango dute:
- EGEn garaje-plaza duten pertsonen A eta B ibilgailuak
- 1955ean edo lehenago jaiotako DAR bereizgarria duten egoiliarrak
- Inbertsio gehigarria duten ibilgailuak
- Aparteko jarduera edo gertaerei lotutako ibilgailuak
- Pertsonak kontsulta edo tratamendu medikoetara eramaten dituzten ibilgailuak
Horrekin batera, Udalak gogorarazi du joan den ekainaren 16tik ezin dutela erdigunetik zirkulatu B etiketa duten ibilgailuek, EGEren logoarekin seinaleztatutako txandakako aparkalekuetan aparkatzeko edo salbuespenen bati heltzeko izan ezik. Aldiz, 0, Eco eta C bereizgarria duten ibilgailuek ez dute murrizketarik.
2024ko ekainaren 15ean jarri zen indarrean Bilboko Emisio Gutxiko Eremua, eta pixkanaka ezartzen ari da. Horrela, 2030era arteko epe luzapenekin, Udalak herritarren egokitzapena erraztea du helburu.
Zure interesekoa izan daiteke
Basauriko hilketa matxista salatzeko elkarretaratzea egin dute ostiral arratsaldean, talde feministek deituta
2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.
Itzurun hondartza, mikroplastikoz beteta
Azken egunotako denboraleen ondorioz, mikroplastikoz beteta agertu zen atzo Zumaiako Itzurun hondartza. Naiara Malave Euskal Kostaldeko Geoparkean lan egiten duten Begi Bistan-eko kideak azpimarratu du arazoa mundu mailakoa dela, eta azken hamarkadetako plastikoaren gehiegizko erabileraren ondorioetako bat.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, atxilotuak askotan urratzen zuen urruntze agindu bat zegoen.
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.