Betharram ikastetxea udan itxiko dute, 200dik gora sexu-eraso eta indarkeria salaketa jaso ondoren
Pirinio Atlantikoetako departamentuan, Biarnon, dagoen Lestelle-Betharram herriko ikastetxeak honakoa izango du azken ikasturtea, udan itxiko dute Frantziako ikastetxe katolikoen federazioko lehendakariak iragarri duenez.
Duela bi urtetik hona, 200 ikasle ohik baino gehiagok salatu dute ikastetxe horretan sexu erasoak eta indarkeria fisikoa pairatu izana. Tartean, hainbat euskal herritar daude; izan ere, Ipar Euskal Herriko familia askok hara bidali izan dituzte ikastera haien seme-alabak.
Ikastetxe katolikoak kudeatzen dituen federazioko presidenteak, Pierre-Vincent Gueretek RLT irratian esan duenez, “Betharram izena lurperatzeko garaia da”. Guereten aburuz, ikastetxe horretan “ezin da egitasmo positiborik burutu” eta ikasleak Igonera, gertuko beste herri batera, lekualdatzea proposatu du.
Alabaina, itxiera ez da erabat ofiziala; Vatikanoak berretsi behar du, handik kudeatzen baita Betharramgo kongregazioa.
Salaketak jarri dituzten biktimek txalotu egin dute erabakia. XX. mendeko erdialdetik 2010 bitartean gertatutako sexu-eraso eta indarkeria kasuak atera dituzte argitara.
Horien ondorioz, ikerketa batzordea sortu zen Frantziako Asanblea Nazionalean eskoletako indarkeriari buruz eta Bayrou lehen ministroa zenaren dimisioa ere eskatu zuten.
Zure interesekoa izan daiteke
Euskadik gazteen indarra berreskuratu du: 25 urtean ez da hainbeste neraberik izan
Euskal Autonomia Erkidegoan 10 eta 19 urte bitarteko 220.000 gazte daude, 1999tik izandako kopururik altuena. Nafarroan, ez zegoen hainbeste nerabe 90eko hamarkadaren hasieratik. Hego Euskal Herrian, guztira, 300.000 nerabe inguru daude.
Biarritzen izan da Chanelen azken desfilea, Nicole Kidman, Marion Cotillard eta zinema eta moda munduko izar handiekin
Modako enpresak Ipar Euskal Herriarekin duen lotura indartu du saltokia inauguratuta, eta sasoi arteko bildumaren aurkezpenarekin.
Zer gertatuko da alokairuekin dekretuaren indarraldia amaitu ondoren?
Hiru agertoki nagusi ireki dira. Lehenengoak luzapena eskatu eta dagoeneko onartuta dutenei eragingo die: luzapen horiek baliozkoak izaten jarraituko al dute? Bigarrenak luzapena eskatu duten baina oraindik erantzunik jaso ez duten maizterrak izango ditu ardatz: babestuta daude ala hutsune legal batean sartzen dira? Eta hirugarrena, oraindik eskatu ez zutenak: aurrerago egin ahalko dute?
CIAFek Adamuzeko trenen anomaliak baztertu ditu eta berretsi du istripua erreiaren hausturak eragin zuela
Iñaki Barron CIAFeko presidenteak astelehen honetan Senatuan esan zuenez, dituzten azterketa-elementuekin ezin da esan Adamuzeko istripua ekidin zitekeenik, eta aztertzen jarraitzen duten arrazoi nagusia azpiegituraren akats bat da, erreian edo bidearen soldaduran. CIAFek adierazi du bere ondorioak "behin-behinekoak" direla, batzordearen ikerketak berak eta Guardia Zibilak egindakoak "aurkikuntza berriak" ekar baititzakete.
San Prudentzio eguna, Armentiara erromerian joateko ordua
Festaren bihotza bihurtu dira beste behin Armentiako Basilikaren inguruko zelaiak: 200 saltokitik gora eta mimoz egindako jaki goxoak salgai. Karakolak, perretxikoak, taloak... Bertako jakiak dastatzeko eta familian gozatzeko egun aproposa izaten da San Prudentzio eguna.
Lemoizko akuikultura proiektua atzera botatzea eskatu du Greepeacek, itsasoari eragingo dion "kaltea" dela eta
Talde ekologistaren arabera, mihi-arrainaren kasua "bereziki kezkagarria da", ez bakarrik itsas uren kalitatean izan dezakeen eraginagatik, baizik eta espezie arrainjalea izanda, beste arrain espezieentzat arriskutsua izan daitekeelako.
Ertzaintzak gizon bat atxilotu du Irunen, goizaldean aurkitu duten gorpuarekin zerikusia duelakoan
Belaskoenea auzoan, suzko armaz egindako zauri bat zuen gizon baten gorpua aurkitu dute txabola baten ondoan.
Zortzi lagun atxilotu ditu Espainiako Poliziak otsailean Sadarren izandako istiluen harira
Indar Gorriko kideak dira guztiak eta desordena publikoak eta agintaritzaren aurkako atentatua leporatzen dizkiete. Operazioak zabalik jarraitzen du.
Ikasgelak ixteko erabakia "bidegabea" eta "arinki" hartutakoa dela salatu dute Nafarroako itunpeko ikastetxeetako sindikatuek
Ikasgelak itxi ordez, ratioak murriztea eta liberatutako baliabideak irakaskuntzaren kalitatea hobetzeko baliatzea eskatu dute SEPNA-FSIE eta UGT sindikatuetako ordezkariek.
Ur epelak Antartikara hurbiltzen ari dira, eta horrek izotza behetik urtzeko arriskua sortzen du
Ikertzaileek ozeanoko aldaketen lau hamarkada berreraiki dituzte, eta, lehen aldiz, behaketa zuzenen bidez baieztatu ahal izan dute berotze globala modu kezkagarrian ari dela aldarazten Ozeano Australeko korronteak. Aldaketa horiek planeta osoan karbonoa eta beroa erregulatzeko ozeanoek duten gaitasunean eragiten dute.