Ega Andosillan bere onera itzulita, Castejonen bakarrik jarraitzen du indarrean prealerta egoerak
Ebroren ur emaria gertutik ari dira zaintzen Castejon parean. Errepideei dagokienez, A-15eko errei bat itxita dago eta bigarren mailako bi errepide ere itxita daude Nafarroan, uholdeen eraginez.
Oriana ekaitzak dozenaka gorabehera eragin ditu Euskal Herri luze-zabalean azken orduetan, eta ibaiak gainezka egitear joan dira puntu askotan, baina okerrena pasatu dela dirudi. Gaur euri gutxiago egin du, eta, horrekin batera, ibaien emariak behera egingo du.
Uholde arriskua kezka iturri izan da egun osoan Erriberan, bi ibai, Ega eta Ebro, oso hazita baitoaz eta prealerta egoera ezarri du Nafarroako Gobernuan Andosilla parean Egagatik eta Castejon parean Ebrogatik. Gaueko 22:00ak aldera, "normaltasun" egoera itzuli da Andosilla parera. Unerik okerrenean Ega 3,97 metrora heldu da Andosilla parean, eta emaria segundoko 231,44 metro kubikokoa izan da. Gauean, dena dela, 2,93 metro eta 146 metro kubikoan zegoen egoera.
Ebrok, berriz, 6,86 metroko altuera harrapatu du, eta ur-emaria segundoko 1.727 metro kubikokoa da oraindik. Emaria egonkortu egin da, dena dela, eta ez dirudi triskantzarik eragingo duenik, pare horretan hazkunde maximoa 2.000 metro kubikotik gora izaten baita.
Nafarroako gainerako ibaien egoera ohikoa da. Hala, Argaren kasuan, 0 larrialdi maila bertan behera utzi dute goizean.
Errepideen egoera
A-15 errepideko errei batez gain, Nafarroako Gobernuak jakinarazi duenez, bigarren mailako sareko bi errepide ere itxita daude oraindik uholdeen ondorioz.
NA-2316a (Zulueta) 0 kilometrotik, autobiaren azpiko lurpeko pasabide bat urez bete baita; eta NA-6140a (Tafalla-Miranda Arga) 11. kilometrotik, Argako ura bertara iritsi delako.
Euskal Autonomia Erkidegoan, Zadorra da arretagune bakarra, baina bart maila horira jaitsi da Abetxukun (Gasteiz).
Bien bitartean, Uribarri Ganboako urtegiak ura askatzen jarraitzen du, bere edukieraren % 88,7 baitu beteta. Atzo arratsaldean hasi ziren husten, baina, hala ere, ur-mailak gora egin du. Bilbo eta Gasteiz urez hornitzen dituen urtegia segundoko 29,7 metro kubiko ari da askatzen.
Oraingoz, hustutzeak ez du arazorik sortu Zadorra ibaiaren inguruan (uholdeak izan ohi dira Mendibilen, Duran edo Gamarran).
Euskalmeten datuen arabera, atzo metro koadroko ia 73 litro pilatu ziren Otxandioko estazio meteorologikoan (Bizkaia), 64 Urkiolan (Abadiño, Bizkaia) eta 58 Bidania-Goiatzen (Gipuzkoa).
Zure interesekoa izan daiteke
Basauriko hilketa matxista salatzeko elkarretaratzea egin dute ostiral arratsaldean, talde feministek deituta
2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.
Itzurun hondartza, mikroplastikoz beteta
Azken egunotako denboraleen ondorioz, mikroplastikoz beteta agertu zen atzo Zumaiako Itzurun hondartza. Naiara Malave Euskal Kostaldeko Geoparkean lan egiten duten Begi Bistan-eko kideak azpimarratu du arazoa mundu mailakoa dela, eta azken hamarkadetako plastikoaren gehiegizko erabileraren ondorioetako bat.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, atxilotuak askotan urratzen zuen urruntze agindu bat zegoen.
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.