Sei pertsona zauritu dira Faltzesen, beren autoa bidetik irten ostean
Zauritu guztiak ospitalera eraman dituzte eta ingresatuta geratu dira, pronostiko erreserbatuarekin. Horietako bost adin txikikoak dira.
Sei pertsona zauritu dira astelehen arratsaldean Faltzesen (Nafarroa), euren autoa autoa errepidetik atera eta maldan behera erori ostean.
Istripua arratsaldeko 16:45 inguruan gertatu da, Faltzeseko Salbatore Basilikara daraman asfaltozko bide batean. Ibilgailua 5 metro inguru erori da lubetatik.
SOS Nafarroako Larrialdiak Kudeatzeko Zentroak Azkoiengo parkeko suhiltzaileak, oinarrizko bizi-euskarriko bi anbulantzia, bizi-euskarri aurreratuko anbulantzia bat (medikalizatua), inguruko mediku-talde bat eta Foruzaingoaren Tuterako polizia-etxeko Faltzesko Udaltzaingoko eta Bide Segurtasuneko patruilak bidali ditu gertakarien lekura.
Istripuaren ondorioz, sei pertsona Nafarroako Unibertsitate Ospitalera eraman dituzte, Iruñera. Gidariak, 20 urteko gizonezko batek, polikontusioak jasan ditu eta ospitaleratuta geratu da, pronostiko erreserbatuarekin. Gainerako zaurituak adingabeak dira eta pediatrian ingresatuta geratu dira, guztiak pronostiko erreserbatuarekin.
Tuterako Foruzaingoko Argiketa Brigadako kideak istripuaren arrazoiak eta dinamika ikertzen ari dira.
Zure interesekoa izan daiteke
Harritzar bat zintzilik geratu da N-634 errepidearen gainaldean, Getaria parean
Eguerdia pasatxo zenean, tamaina handiko harri bat erori da mendian behera, baina burdinezko sareak eutsi egin ahal izan dio. Astearte goizean hasiko dituzte erretiratzeko lanak, eta bien bitartean, errepidea irekita dago.
Maila horian daude Abetxuko, Sangroniz eta Mungiako estazioak, uholde arriskuagatik
Euskalmetek jakinarazi duenez, datozen orduotan ere euria barra-barra egiten jarraituko du, ia etenik gabe, batez ere, Kantauri isurialdean.
Butroe ibaiak gainezka egin du Mungia parean
Euriteen ondorioz, Butroe ibaiak gainezka egin du Mungia parean, eta bertako Udalak autoak toki garaietara mugitzea gomendatu die herritarrei.
Nafarroak 4,7 milioi aktibatu ditu auto elektrikoaren erabilera bizkortzeko
"Tximista Auto" plan berriak ibilgailu bakoitzeko 5.500 eurorainoko laguntzak eta azpiegituretarako zuzeneko laguntza indartzen ditu.
Berriro ekin diote Bidasoa ibaira salto egin zuen gizonaren bilaketari
Antza, pertsona batek bi gizon ikusi ditu igande goizaldean ibilgailuak garbitzeko gune batean lapurreta egiten, Irunen, eta ertzainak heldu direnean, horietako batek uretara egin du salto; bestea, 31 urteko gizasemea, atxilotu egin dute.
Gizon batek bikotekide ohia hil du Benicassimen
64 urteko emakume bat da biktima. Hainbat labankada jaso ondoren, larri eraman dute Castelloko Ospitale Nagusira, eta han hil da. Ustezko erasotzailea, 70 urteko gizona, atxilotuta dago.
Ertzaintza aste honetan hasiko da isunak jartzen baliza ez erabiltzeagatik
Baliza ez edukitzea edo baliza ez erabiltzea arau-hauste arintzat hartzen da, eta 80 euroko isuna dakar.
Gasteizko San Frantzisko elizan lanak egiten hasi dira, gehiago hondatu ez dadin
Martxoaren 3ko biktimen memorialaren egoitza izango dena narriatzen ari da, eta "kaltea areagotzeko arriskua dago, berehala esku hartzen ez bada".
Gizon bat hil da autoarekin kamioi baten kontra jota, Azkoienen
Aurrez aurre jo du kamioia 49 urteko auto-gidariak, eta lekuan bertan hil da.