11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Bizkaiko Probintzia Auzitegia
Bizkaiko Auzitegiak 11 urteko kartzela-zigorra ezarri dio gizon bati, 2021ean bikotekide ohiaren etxebizitzara baimenik gabe sartu eta hura bortxatzeagatik. Epaiaren aurka errekurtsoa aurkez daiteke Euskal Autonomia Erkidegoko Justizia Auzitegi Nagusian (EAEAN).
Bizkaiko Probintzia Auzitegiak, gainera, 5 urteko zaintzapeko askatasun-neurria ezarri dio gizonari, kartzela-zigorra amaitu ondoren bete beharrekoa, baita biktimari 15.000 euroko kalte-ordaina ordaintzekoa ere.
Gainera, 15 urtean ezingo da emakumearengana gerturatu, eta ezingo du adingabeekin lanik egin 17 urtez.
Epaiak frogatutzat eman du gizona bikotekide ohiaren etxean indarrez sartu zela, eta bortxatu egin zuela, ahaidetasun-inguruabar astungarriarekin.
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion.
2021eko azaroaren 22ko goizean, emakumearen etxera indarrez sartu zen, haren baimenik gabe, eta bortxatu egin zuen.
Erasotzaileak eskuoihal bat jarri zuen biktimaren lepoan, presioa egin zion, eta bere asmoak onartu ezean kable batekin lotuko zuela esan zion mehatxuka. Horrez gain, bien arteko harremanari berriz ekiten saiatu zen, nahiz eta emakumeak ezetz esan.
Eraso egin ostean, emakumeak audio mezu batzuk bidali zizkien bere ahizpei, WhatsApp aplikazioan zuten talde batera, eta azaroaren 23an salaketa jarri zuen.
Epaimahaiak "kontraesanik edo anbiguotasunik gabeko deklarazioa" izan zela adierazi du, eta biktimaren "argitasuna eta irmotasuna" nabarmendu ditu, Ertzaintzaren egoitzan, epailearen aurrean eta epaiketan egindako hiru adierazpenetan "xehetasunez, koherentziaz eta sendotasunez beteriko kontakizuna" errepikatu baitu emakumeak.
"Oso froga-elementu sendoa da hori", eta, Bizkaiko Probintzia Auzitegiak nabarmendu duenez, besteak beste, Balorazio Integraleko Unitate Forentsearen txostenarekin eta gertakarien lekuan adituek lortutako laginei buruzko txostenekin osatzen da.
Horren aurrean, Auzitegiak gogorarazi du akusatuak instrukzio-epaitegian egindako bi agerraldietan ez deklaratzeko eskubide legitimoari heldu ziola, eta ahozko epaiketan bere abokatuaren galderei soilik erantzun ziela, egun hartan biktimarekin sexu-harremanak izan zituela "onartuta", baina "bortxatu gabe".
Zure interesekoa izan daiteke
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil eta emaztea larri zauritu ditu bart Tenerifen
Guardia Zibilak tiroz hil du ustezko hiltzailea, agenteak matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.
Barne ministerioak polizia-babesa jarri dio Espainiako Poliziaren buruaren sexu erasoak salatu dituen emakumeari
Kereila jarri zuen egun berean, hau da, asteartean bertan, bere izen-abizenak zabaldu zituzten WhatsAppeko hainbat polizia taldetan, bere abokatuak deitoratu duenez. Horrek antsietatea areagotu dio, eta oso ahul dago.
Amatatu dute Sopuertako enpresa batean piztutako sutea
Sua La Sota auzoan piztu da, eta ez da inor zauritu.