Euskal emakumeek gizonek baino 2,2 ordu gehiago ematen dituzte egunean seme-alabak zaintzen
2024. urteari dagozkion datuak dira, igandean ospatuko den Emakumeen Nazioarteko Eguna dela-eta Euskal Estatistika Erakundeak ostiral honetan argitaratu duen inkestan jasotakoak.
Emakume bat, bere alabaren zorriekin borrokan.
Euskadiko emakumeek gizonek baino 0,8 eta 2,2 ordu bitartean gehiago ematen dituzte egunean seme-alaba adingabeak zaintzen; 25 eta 34 urte bitarteko adin-tartean, esate baterako emakumeek 6,1 ordu ematen dituzte egunean zeregin horietan, eta gizonezkoek, 3,9 ordu.
Euskal Estatistika Erakundeak (Eustat) ostiral honetan argitaratu duen inkestan jasotako datuetako bat da, eta igandean Emakumeen Nazioarteko Eguna ospatuko dutela-eta argitaratu dute.
Seme-alaba adingabeen zaintzan ematen diren orduen aldea txikiagoa da 35-44 urtekoen artean, egunean 5,2 ordu ematen baitituzte emakumeek, eta gizonek, berriz, 4 ordu.
Estatistika horren arabera, Euskadin 15 urtetik beherako adingabeak dituzten familia gehienek partekatu egiten dituzte lanorduez kanpoko eguneroko zaintzak. 2024an, adingabeen % 96,6 bi gurasoek zaintzen zituzten; 2010ean, berriz, % 82,6 ziren.
Guraso bakarreko familietan bizi diren adingabeen kasuan, horien % 66,8 amak zaintzen ditu, eta % 14,3, berriz, aitak.
Hala ere, Eustatek zehaztu duenez, kontuan hartu behar da mendeko seme-alabak dituzten guraso bakarreko familien % 80tan emakumeak direla buru, eta horrek azaltzen du, neurri handi batean, zaintza-karga batez ere emakumeen gain egotea.
Halaber, emakumeen % 10,6k 70 ordu baino gehiago egiten ditu lan astean, etxeko eta kanpoko lanak batuta; gizonezkoen kasuan, % 7,4 dira.
Lan gehienetan, emakumeak gehiago aritzen dira gizonak baino. Alderik handiena arropa garbitzearekin, lisatzearekin eta prestatzearekin lotutako zereginetan dago; horietan gizonak baino % 28,22 gehiago dira emakumeak.
Etxeko garbiketan, emakumeek % 6,6 gehiago hartzen dute parte. Otorduak prestatzen, aldea askoz txikiagoa da, baina % 1,62 gehiago dira emakumeak.
Aitzitik, hainbat zereginetan gizonen eta emakumeen parte-hartzea ia berdina da, eta elikagaiak erostea da gizonen inplikazio-maila handiena duen jarduera.
Etxeko lanen multzoan, emakumeek 0,3 eta 0,8 ordu artean gehiago ematen dituzte egunean. 35-44 urtekoen tartean, zehazki, 2,1 ordu ematen dituzte emakumeek eta 1,7 ordu gizonek.
Aldeak handiagoak dira kontziliazioagatiko lan etenen esparruan. 16-69 urteko pertsonen artean, emakumeen % 7,3k lan-jarduera eten du azken hiru urteetan lana eta familia uztartzearekin lotutako arrazoiengatik, eta gizonen kasuan, aldiz, % 1,8k.
Zure interesekoa izan daiteke
Iñigo Etxezarretak "Zurekin Batera" abestu du Gasteizko jaietako pregoian
Gasteizko Plaza Barria Iñigo Etxezarretaren pregoiaren lekuko izan da. ETSko abeslariak 'Zurekin Batera' abestu du Oreka TX taldearekin batera.
Zangozan desagertutako 84 urteko emakume baten gorpua aurkitu dute
Bilaketa hasi eta gutxira, 20:00ak aldera, desagertutako 84 urteko emakumearen gorpua aurkitu dute. Heriotzaren arrazoia argitzeko ikerketa abiatu du Foruzaingoak. Vadoluengoko San Adrian elizaren inguruan topatu dute haren gorpua.
Elkarbizitza arazoak bainularien eta erabiltzaileen artean Euskal Herriko portuetan
Uretara salto egitea ohikoa da Euskal Herriko portuetan, debekatuta dagoen arren. Hori dela eta, bizikidetza-arazoak sortzen ari dira. Zenbait portutan jokabide arriskutsuak ikusten dira eta kalteak izan dira ontzietan. Eusko Jaurlaritzak egoeraren larritasunaz ohartarazi du, eta 2.000 eta 12.000 euro arteko isunak ezar daitezkeela gogoratu du.
Euri eskasiak hilabete eta erdi aurreratu du transhumantzia Nafarroan
Pirinioetatik Bardearako bidean, Enrique Ballent artzain transhumantearekin izan gara. 1.800 buruko artaldea gidatuko du, bazka bila. Izan ere, klima aldaketaren kontraesanak tarteko, jateko gehiago dago basamortuan goi mendietan baino.
Oiartzunen ustez pistolarekin egindako hiru lapurreten egilea atxilotu dute Hondarribian
23 urteko gaztea espetxeratu egin dute. Lapurretetan erabilitako arma fogeo-pistola bat zela egiaztatu dute.
Gizon bat atxilotu dute Getxon, kalean emakume bati sexu erasoa egiten harrapatu ostean
Erasoa 05:00etan jazo da, Algorta auzoan, San Inazio jaietan. 19 urteko biktima Gurutzetako Ospitalera eraman dute. Algortako Mugimendu Feministak eraso matxista salatzeko bilkura egin du igande arratsaldean.
Auroroek Andre Maria Zuriaren jaien etorrera iragarri dute
Urtero bezala, Gasteizko hirigunea eta Alde Zaharra zeharkatu dituzte zaindariaren omenezko kantuekin, jai-giroari hasiera emanez.
Testigantza berriek agerian utzi dituzte Mitikako zaindariek Kerman Villate hil aurretik behin eta berriz egindako erasoak
Gasteizko diskoteka horretako segurtasun-langileek Kerman hil aurreko hilabeteetan egindako eraso jakin batzuen berri eman dute lau gaztek Radio Euskadin, esklusiban, erreportaje batean. Kasu guztiak Ertzaintzaren aurrean salatu zituzten.
Bizkaiko Aldundiak zisterna kamioiak eramango ditu Karrantzara ur hornidura bermatzeko
Astelehenetik ostiralera, 250 metro kubiko garraiatuko ditu egunero foru erakundeak Enkarterriko udalerriko hornidura bermatzen laguntzeko.
17 urteko gizonezko bat atxilotu dute Gipuzkoan, adingabeak estortsionatzen zituen 764 Sarearen Espainiako buruzagitzat jota
Ertzaintzak, Esquadra Mossoek eta Guardia Zibilak elkarlanean egindako operazioan atxilotu dute, 2026ko urtarrila eta apirila bitartean ikastetxeen, udalen eta beste erakunde batzuen aurkako mehatxu ugari bidali izana egotzita.