Rene Redzepi Noma jatetxeko sukaldari daniarrak kargua utziko du, langile ohiek abusuak leporatu ondoren
2009. eta 2017. urteen artean Redzepik kalte fisikoak eta psikologikoak eragin zizkiela salatu zuten jatetxe horretako dozenaka langile ohik. "Aldaketek ez dute iragana konpontzen", azpimarratu du Redzepik.
Rene Redzepi sukaldari daniarra, Noma jatetxearen sortzailea. Artxiboko argazkia: Europa Press
Rene Redzepi sukaldari ezagunak, Kopenhagekoko Noma jatetxe ospetsuaren sortzaileak, horrekin lotutako eginkizun guztiak utziko duela iragarri du ostegun honetan, bere langileei iraganean tratu txarrak eman ziela onartu ondoren.
New York Times egunkariak martxoaren 7an jakinarazi zuenez, dozenaka langile ohik adierazi zuten Redzepik kalte fisikoak eta psikologikoak eragin zizkiela, 2009. eta 2017. urteen artean izandako gertakariak zehaztuta.
Sare sozialetan argitaratutako mezu batean, Redzepik adierazi du bere gain hartzen duela ardura: "Jatetxe hau eraikitzen eta zuzentzen bi hamarkada baino gehiago eman ondoren, erretiratzea erabaki dut, gure lider apartek jatetxea hurrengo kapitulura bidera dezaten".
Nomak ohar batean baieztatu duenez, Redzepi "berehala erretiratuko da eguneroko eginkizunetatik".
"Kontakizun horien xehetasun guztiak onartzen ez ditudan arren, nire iraganeko portaera nahikoa da orduko ekintzak nirekin lan egin zutenentzat kaltegarriak izan zirela ulertzeko", gaineratu du Redzepik.
Redzepiren ikuspegi abangoardistak bultzatuta, Noma munduko jatetxe onenen sailkapenen buru izan da behin eta berriz, eta hiru Michelin izar entzutetsu irabazi ditu.
"Onartzen dut aldaketek ez dutela iragana konpontzen", gaineratu du Redzepik, Noma jatetxea 2003an sortu zuenak."Hemendik ikusiko naute, baina ez azken 23 urteetan ikusi nauten moduan", azpimarratu du.
Redzepik ohar bat argitaratu zuen duela egun batzuk, barkamena eskatuz eta aldatzeko lan egin duela esanez, baina orain kargua uztea erabaki du ere bai.
Zure interesekoa izan daiteke
Lekuko-hartze "sinboliko eta hunkigarriak" izango dituela aurtengo Korrikak aurreratu dute antolatzaileek
EITBren Bilboko egoitzan egin dute AEKren aldeko lasterketaren aurkezpen soziala. Gizarteko eragile ugari izan dira bertan. Aurtengo edizioan 3.400 lekuko-hartze baino gehiago izango direla iragarri dute antolatzaileek, inoiz baino gehiago, eta horietako asko "sinbolikoak eta hunkigarriak" izango direla diote.
Protesta jendetsua Eibarren, haurreskoletan plaza nahikorik ez dagoela salatzeko
Dozenaka familiak protesta zaratatsua egin dute ostegun honetan Eibarko Untzaga plazan, herriko haurreskoletan plaza nahikorik ez dagoela salatzeko.
Realak Sevillan jokatuko duen Kopako finalerako sarrera faltsuak saltzen ari direla ohartarazi du Ertzaintzak
Zale batek jarritako salaketa baten bidez, Ertzaintzak izapideak ireki ditu ustezko iruzur-delitu batengatik.
Osakidetzako 1.047 profesionalek salatu zituzten erasoak 2025ean; horietatik 856, emakumeak
Osasun Profesionalen aurkako Erasoen kontrako Europako Eguna dela eta, ostegun honetan, Osakidetzak zehaztu du 2025ean jakinarazitako eraso guztietatik 94tan (% 9) lesioa eragin zutela, gehienek bajarik eragin gabe. Gainerakoak, 953 guztira (% 91), lesiorik gabeko erasoak izan ziren, hala nola irainak eta mehatxuak.
Ikerketaren arabera, ezbeharra izan zen pasabideko torlojuak oso herdoilduta zeuden
Bocal inguruan izandako istripuaren ondorioz Polizia Zientifikoak egindako ikuskapenaren arabera, euskarriak eta torlojuak herdoilak janda zeuden.
Beloradoko moja ohiak monasteriotik atera dira, epea amaitu baino ordu batzuk lehenago
Francisco Canals Beloradoko moja ohien bozeramaileak jakinarazi duenez, 02:46an atera dira monasteriotik. Hori egin aurretik, Laura Garcia de Viedma abadesa ohiak elizako aldarean zegoen azken kandela eta eraikineko argi guztiak itzali ditu.
Azkenekoz Fustiñanan ikusi zuten 17 urteko neska baten bila ari dira
Zabaldutako datuen arabera, 1,60 metro luze da, gorpuzkera mehea du, eta begi marroiak eta ile beltz luzea ditu.
Hiztunen Berdintasunaren Alde: "Gure plataforma ez dago inongo trama, konplot edo konspiraziorekin nahastuta"
Elkarteak defendatu du bere jarduera bakarra Osakidetzako langileen "lan-eskubideak defendatzea" dela, eta ziurtatu du "erkidegoko bigarren hizkuntza" den euskara "beti" errespetatzen dutela.
Ertzaintzak gizon bat atxilotu du Bilbon, emakume bati sexu-erasoa egiten saiatzeagatik
Biktimak jarritako salaketaren arabera, San Frantzisko kaleko atari batean sexu-erasoa egiten saiatu zen atxilotua, 42 urteko gizona. Sexu-askatasunaren aurkako delitua leporatuta atxilotu dute.