La Gilda del Norteko jabeak 18.000 euroko isuna ordaindu beharko du, egoera irregularrean zeuden langileak enplegatzeagatik
Isunaz gain, 7.500 euro ere ordaindu beharko ditu erantzukizun zibil gisa. Epaiaren arabera, langileei ohartarazi zien ikuskapenik egonez gero ezkutatu egin beharko zutela.
Bilboko Justizia Jauregiaren aurrealdea. Argazkia: EITB Media
La Gilda del Norte enpresako jabeak 18.000 euroko isuna ordaindu beharko du, “lan baimenik gabeko atzerritarrak enplegatzeagatik modu errepikatuan”. Gainera, Bizkaiko Auzitegiak 2.500 euroko kalte ordaina ezarri dio erantzukizun zibil gisa akusazio partikularra aurkeztu duten hiru langileetako bakoitzarentzat; hortaz, beste 7.500 euro ere ordaindu beharko ditu.
Euskal Autonomia Erkidegoko Justizia Auzitegi Nagusiak jakinarazi duenez, Bizkaiko Auzitegiko Bigarren Sekzioak frogatutzat jo duenez, akusatuak 2018ko abendutik 2021eko maiatzera bitartean “behin eta berriz kontratatu zituen egoera irregularrean zeuden atzerritarrak”.
Ezkutatzera behartuak
Pertsona horiek ez zuten lan baimenik eta ez zeuden Gizarte Segurantzan alta emanda; enpresaren jabeak, gainera, saihestu egin zuen Espainiako agintariei pertsona horiek bere enpresako langile zirela jakinaraztea. Epaiak dioenez, gainera, enpresako jabeak langileei ohartarazi zien ikuskapenik egonez gero instalazioetan ezkutatu beharko zutela.
“Frogatuta dago akusatuak modu ohikoan edo errepikatuan Espainian egoera irregularrean zeuden pertsonak enplegatzen zituela lan baimenik gabe. Horren ondorioz, eta bizirauteko beharraren eraginez, eskaintzen zizkien lan baldintzak onartzera behartuta zeuden, ahulezia egoeran baitzeuden lurraldetik kanporatuak izateko mehatxuaren ondorioz”, epaiaren arabera.
Lan eskubideen aurkako delitua
La Gilda del Norteko jabeak 18.000 euroko isuna ordaindu beharko du “langileen eskubideen aurkako delitu baten egile” gisa; beste 7.500 euroak, berriz, eragindako kalte moralengatik ordainduko ditu, erantzukizun zibil gisa.
Bestalde, Bizkaiko Auzitegiak enpresaburuaren alaba absolbitu du, ez baita frogatu “parte hartu zuenik bere aitaren enpresan langile ilegalen kontratazioan”, ezta “sozietate horretako gerente gisa jardun zuenik” ere.
Epaia ez da irmoa, eta helegitea aurkez daiteke Euskal Autonomia Erkidegoko Justizia Auzitegi Nagusiaren aurrean.
Zure interesekoa izan daiteke
Elkarretaratze jendetsua Santurtzin, 19 urteko neska bati egindako sexu erasoa gaitzesteko
Dozenaka pertsona bildu dira eguerdian Santurtziko udaletxearen aurrean, "Santurtzin, eraso matxistei ez" leloa zuen pankarta baten atzean.
Berdintasun Ministerioak hilketa matxistatzat jo du Basaurin hildako emakumearen kasua
Biktimak ondoeza izan zuen, eta osasun-zerbitzuek ezin izan zuten suspertu; ondoren mediku forentseak egindako azterketak, ordea, indarkeria zantzuak atzeman zituen.
Justiziak aseguru etxea zigortu du 2020an Aulestin Iurgi Beraza hil zeneko harrapaketagatik
Haurraren gurasoek samina eta desadostasuna adierazi dute ebazpenarekin, "ez baita inolaz ere nahikoa, ez irismenari ez arrazoiketari dagokienez". Hala ere, baztertu egin dute epaia errekurritzea, ebazpen judizialekiko errespetuagatik, baina baita "prozesu luze, mingarri eta emozionalki suntsitzaile bati amaiera emateko beharragatik" ere.
Argi izpiak parkinsonaren aurrean: 65 ikerketa proiektu Euskadin, 10.000 gaixori itxaropena emateko
Urtero mila kasu diagnostikatzen dira Osakidetzan, eta egun ohikoena den bigarren gaixotasun neurodegeneratiboa da, alzheimerraren ostean.
Epaileak beste 13 lekuko deitu ditu deklaratzera El Bocaleko pasabidearen auzian
Instrukzio epaileak deklarazio gehiago gehitu ditu instrukzio fasean: pasabidearen proiektua sinatu zuen ingeniariak deklaratuko du, baita Udaltzaingoko eta 112 zerbitzuko buruek, obrako buruak eta 2024an ezbeharra izan zuen pasabidean esku hartu zuten beharginek ere.
12 hegaldi bertan behera geratu dira Bilboko Aireportuan Lufthansako grebaren ondorioz
Guztira, 500 hegaldi baino gehiago geratu dira bertan behera mundu osoan, Lufthansako kabinako langileek ostiral honetarako deitutako greba dela eta.
Lau pertsona artatu dituzte Durangoko etxebizitza batean izandako sutean kea arnasteagatik
Sutea 01:00a aldera piztu da Askatasun etorbideko eraikin bateko 5. solairuan, eta suhiltzaileek garrak itzaltzea lortu dute. Kea arnastu duten lau bizilagunak, tartean adin txikiko bat, Galdakaoko ospitalera eraman dituzte.
Nola eragingo dio trafikoari Itzuliaren Eibarko etapak?
Gaurko etapa, azken-aurrekoa, Eibarren abiatu eta bertan amaituko da. Lasterketak Debabarrena, Urola Kosta eta Lea-Artibai eskualdeak zeharkatuko ditu.
Osasun Itunak ez dituela Osakidetzako arazoak konpondu salatu dute osasun publikoaren aldeko plataformek
Elkarretaratzea egin dute EAEko hiriburuetan, murrizketak salatzeko. Osasun sailburuari hobekuntzaz hitz egiteari uzteko eskatu diote. Mediku falta, itxarote zerrendak, hizkuntza eskubideen urraketak edota psikologo falta daudela salatu dute eta manifestazioak deitu dituzte apirilaren 18rako.