Argi izpiak parkinsonaren aurrean: 65 ikerketa proiektu Euskadin, 10.000 gaixori itxaropena emateko
Urtero mila kasu diagnostikatzen dira Osakidetzan, eta egun ohikoena den bigarren gaixotasun neurodegeneratiboa da, alzheimerraren ostean.
Gaixotasun neurodegeneratiboetan espezializatutako Biobizkaiko ikertzaile taldea. Argazkia: Irekia
Parkinsonaren diagnostikoa ehunka familietara heltzen da urtero. Iaz, Osakidetzak 1.190 kasu diagnostikatu zituen, % 55 gizonezkoei eta % 45 emakumezkoei, eta egun 10.000 pertsona daude diagnostikatuta Euskadin, gehienak 55 urtetik gorakoak. Alzheimerraren ostean ohikoena den bigarren gaixotasun neurodegeneratiboa da gaur egun.
Egoera dramatiko honen aurrean, bada itxaropen izpirik. Eusko Jaurlaritzako Osasun Saila, osasun ikerketa institutuen bidez, parkinsonean zentratutako 65 proiektu eta ikerketa kliniko garatzen ari da Osakidetzarentzat. Apirilaren 11n ospatzen den Parkinsonaren Nazioarteko Egunean, Osasun Sailak “detekzio goiztiarraren garrantzia eta paziente zein familien laguntza” nabarmendu ditu.
Diagnostikoa erretinaren bidez
Eusko Jaurlaritzaren hitzetan, ikerketa lerro nagusietako batean erretina biomarkatzaile gisa erabiltzen dute, parkinsona goiz detektatzeko asmoz.
Horri esker, aldaketa neurodegeneratiboak antzeman daitezke irudi proba azkar eta ez-inbaditzaileen bidez. Begipark proiektuak erakutsi du aldaketa horiek gaixotasunaren bilakaera eta narriadura kognitiboaren arriskua aurreikusten lagun dezaketela.
Tresna digitalak eta adimen artifiziala
Euskadin, halaber, ikerketak “helburu du jomuga terapeutiko berriak identifikatzea eta terapia berriak diseinatu eta garatzea”. Horrela, Biobizkaia tresna digitalen eta adimen artifizialaren erabileran jartzen ari da arreta, parkinsonaren bilakaera hobeto ulertzeko eta medikuntza zehatzago eta pertsonalizatuago baterantz aurrera egiteko.
Bestalde, Bioaraba hesteetako mikrobiotaren papera eta biomarkatzaileei aplikatutako teknologia berriak ikertzen ari da. Biogipuzkoa, berriz, ikerketa eta praktika klinikoa uztartzen ari da gaixotasuna hobeto ulertzeko eta haren bilakaera aldatzeko gai diren terapiak garatzeko.
Parkinsonaren Nazioarteko Eguna dela eta, Biobizkaiak ‘Parkinson gaixotasunarekin bizitzea’ jardunaldia antolatu du apirilaren 20rako, pazienteei eta horien familiei zuzenduta, Gurutzetako Unibertsitate Ospitaleko auditorioan, eta aurrerapenak, irtenbideak eta etorkizun hurbila aztertuko dituzte bertan.
Zure interesekoa izan daiteke
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.