2028tik aurrera, Baxoako espezialitate bat eta ahozko probaren zati bat euskaraz egin ahalko dute Ipar Euskal Herriko ikasleek
Edouard Geffray Frantziako Hezkuntza ministroak egin du iragarpena, bart, hedabide bati eskaini dion elkarrizketan. Aldaketa horrekin hezkuntza elebidunak legezko markoa izango duela nabarmendu du.
Baxoa euskaraz egitea eskatzeko protesta bat. EITBren bideo batetik ateratako irudi bat
Edouard Geffray Frantziako Hezkuntza ministroak iragarri duenez, 2028tik aurrera Baxoako —Batxilergo amaierako azterketa, hegoaldean selektibitatea edo unibertsitatera sartzeko proba esaten zaiona— espezialitate bat eta ahozko proba handiaren zati bat euskaraz egin ahalko dute Ipar Euskal Herriko ikasleek.
Halaber, hezkuntza elebidunak legezko markoa izango duela nabarmendu du, bart, Ouest France egunkariari eskaini dion elkarrizketan.
Adibide bat jarriz eman ditu azalpenak Geffray ministroak. Matematika euskaraz ikasten duten ikasleek euskaraz egin ahal izango dute azterketa; aldiz, frantsesez egin beharko dituzte Fisika eta Kimikakoak.
Ikasleak azterketa guztiak gainditzen baditu, programa elebiduna gainditu duela zehaztuko du Baxoako diplomak, Geffrayren arabera.
"Unean-uneko konponketak" alboratu eta aurrera begira ikuspegi integrala eman nahi diotela azpimarratu du, hots, hezkuntza elebidunari "balioa eman", frantsesa "ahuldu" gabe.
Hezkuntza ministroak azaldu duenez, udan egingo dituzte legezko aldaketak. Gauzak horrela, irailetik aurrera Batxilergoko azken bi urteetan hasten direnek marko berri horretan egin ahalko dituzte ikasketak.
Beraz, aldaketa horiek ez dute eraginik izango aurtengo Baxoan. Baionako Bernat Etxepare lizeoko ikasleek desobedientziaren bidea hartu dute eta maiatzaren hasieran iragarri zuten euskaraz egingo dutela matematikako azterketa.
Zure interesekoa izan daiteke
Tabakoarekin lotutako heriotza tasa % 98 hazi da emakumeen artean Euskadin, 2001 eta 2020 bitartean
Bereziki, 55 eta 74 urte bitarteko emakumeen taldeak sortzen du kezka, horien artean eguneroko kontsumoa % 3,8 tik % 15era igaro baita 2004tik eta 2023ra.
Epaimahaiak Tuterako jaietako kartel irabazlea erretiratu du adimen artifizialaren bidez sortutakoa izateagatik
Erabakia aho batez hartu du epaimahaiak astelehen honetan egindako bileran. Halaber, Raul Lopezen "Timbaleros de Tudela" lanari eman dio lehen saria.
Zer dakigu ebolaren Bundibugyo aldaeraren aurka garatzen ari diren txertoez?
Osasun agintariak erlojuaren kontra ari dira lanean ebolaren Bundibugyo aldaeraren agerraldia geldiarazteko txertoak eta tratamenduak aurkitzeko. ‘Zaire’ izeneko aldaera izan da orain arte gehien agertu dena, eta aldaera berri horri aurre egiteko ez dago ez txertorik, ezta onartutako tratamendurik ere.
30 pertsona artatu eta horietako hiru ospitaleratu dituzte Euskadin, asteburuan, tenperatura altuengatik
2 eta 74 urte bitartekoak dira artatutako pertsona guztiak, eta zorabioengatik, nekeagatik eta desorientazioagatik artatu dituzte.
Boston, Kansas City edo Chicago: Munduko Txapelketa antolatzeak hirientzat dakartzan abantailak eta arriskuak
Kirol ekonomialariek adierazi dutenez, Munduko Txapelketa antolatzeak kostu handiak eta buruhauste ugari dakartza hirientzat, arrakasta kasuak dauden arren.
Surflariek erreskate taulak jarri dituzte Zarauzko hondartzan
Edozeinek erabil dezake ur ertzean jarritako erreskate taula horietako bat, erreskate lanetarako. Sorospen zerbitzua ez da datorren ekainaren 1era arte hasiko eta pasa den ostiralean Zarauzko surflariek dozenaka bainulari atera zituzten uretatik.
Polemika Laga hondartzan, aparkaleku bat itxi eta duna artifiziala eraiki nahi dutelako
Pasa den azaroan, Kostako zuzendaritzak hondartzatik gertuen dagoen aparkalekua itxi zuen bertan duna artifiziala eraikitzeko asmoz. Geroztik itxita egon da, baina igandean sarrerako kablea hautsi eta berriro aparkalekua ibilgailuz bete zen.
Manifestazio jendetsua Bilbon, Loiuko istiluak salatzeko eta Ertzaintzaren jokabidea kritikatzeko
Euskal ekintzaileak minduta eta harrituta agertu dira Ertzaintzaren esku-hartzearekin, eta euren aldetik ez zela inolako probokaziorik egon azpimarratu dute.
A-15a erabat ireki dute, 8 urteko lanak amaitu ostean
Gipuzkoako Foru Aldundiak amaitutzat eman ditu inguru horretako lanak, eta jakinarazi du aurrerantzean kontrol handiagoa izango dutela bidearen gainean.