Basaurin estreinatuko dute zazpi ikastetxeri zerbitzua emango dion lehen sukalde zonala
Basaurin ezarriko dute EAEn, lehen aldiz, eskola sukaldeen eredu mistoa, eskoletako sukaldeak eta sukalde zonala integratuko dituena. Guztira, zazpi ikastetxe publikoren bazkaria prestatuko dute elkarrekin.
Ikastetxe publikoetan jantoki "osasungarriagoak eta jasangarriagoak" izateko bidean, urratsa eman du Basaurik. Izan ere, zazpi ikastetxetan sistema berri bat jarriko dute martxan, eta horren bidez eskolan bertan nahiz zentro guztientzako izango den sukalde zonalean kozinatuko dute.
Hezkuntza Eraiki 2030 egitasmoaren barruan kokatu duten ekimenak "eskola menuak egunean bertan eta hurbiltasunez egitea lehenetsiko du, elikadura osasungarriagoa eta iraunkorragoa bultzatuz". Horixe esan dute, behinik behin, aurkezpen ekitaldian, Basauriko alkate Asier Iragorrik eta Hezkuntza sailburu Begoña Pedrosak.
Proiektuak aurreikusten du sukalde elektriko bertikalak ezartzea, Sofia Taramona, Arizen eta Basozelai Gaztelu ikastetxeetan; guztira 800 lagunentzat. Hain zuzen ere, azken zentro hori izango da sistema berria aplikatzen lehena, 2026an hasiko baitituzte horretarako obrak.
Esan bezala, sukaldaritza zonal bat ere izango dute Soloarten. Jose Etxegarai, Kareaga, Bizkotxalde eta Soloarteri emango die zerbitzua horrek.
Eusko Jaurlaritzako Hezkuntza Sailak bultzatu duen eskola jantokien plan berriaren parte da proiektua, eskaera etengabe handituz doala ikusita.
Duela bost urte 25.331 ikaslek erabiltzen zuten zerbitzua, eta gaur egun 30.097k. Gainera, sukalde propioa duten ikastetxeen sarea 120tik 158ra handitu da.
Testuinguru horretan, sailburuak adierazi du "pixkanaka sistema eraldatu" nahi dela, elikagaien kalitatea hobetzeko eta jantokia "ohitura osasungarriekin lotutako espazio batean" bilakatzeko.
Horretarako, iragan apirilean eskola jantokiko zerbitzu publikorako 156,8 milioi euroko inbertsioa onartu zuen Jaurlaritzak, eta asmoa da Basauriko sistema aurki Gasteizera zabaltzea.
Zure interesekoa izan daiteke
Madrilgo eta Avilako suteek 88.500 pertsona ebakuatzera edo konfinatzera behartu dituzte
Suteek ia 45.000 hektarea kiskali dituzte. Espainiako Gobernuak Toledoko probintziara zabaldu du suteengatik ezarritako larrialdi nazionala. Marlaska ministroak gau "oso zaila" iragarri du, suteen "batasun teknikoaren" ostean.
Pertsona bat hil da eta bost ospitaleratu dituzte sute baten ondorioz Manisesen
Sua larunbatean piztu da, 12:45 aldera, sasi-eremu batean. Suhiltzaileen arabera, sua egonkortu dute jada.
Zornotzan istripua izan eta hil den txirrindulari bati gertatutakoaren lekuko bila ari da Ertzaintza
Istripua larunbat goizeko lehen orduan gertatu da, eta pertsona batek aurkitu du txirrindularia errepidean botata. Zauritua larri eraman dute Gurutzetako Ospitalera eta bertan hil da handik ordu batzuetara.
Galarren piztutako sutea itzali dute jada
Suhiltzaileek erabat itzali dute Galarko zelai batean piztutako sutea. Getze Galarko etxeetatik metro gutxira iritsi da sua.
Suteek eragindako kutsaduragatik, Madrilen aire zabalean ez egoteko eskatu du Osasun Ministerioak
Airean esekita dauden mikropartikula kutsatzaileen kontzentrazioak aise gainditzen du Madril ia osoan Osasunaren Mundu Erakundeak onargarritzat jotzen duena.
Blusa eta Nesken Eguna Gasteizen, baratxuri eta upel artean
Jaien atarian, Blusa eta Nesken Eguna ospatzen ari dira gaur gasteiztarrak. Basatiak kuadrilla izan da aurten ere kupel lasterketako irabazlea.
Abelburuak bueltan dira ganadu ferietan, dermatosi nodularraren aurkako neurriak lausotuta
Behiek ardi, asto, behor eta hegaztiekin partekatu dute azoka, Jaurlaritzak dermatosi nodular kutsakorraren aukako neurriak lausotu ostean. 2025eko urriaz geroztik, abere horiek debekatuta egon dira azoketan, gaitza hedatzea ekiditeko. Abereak txertatu eta gero, bueltan dira ganadu azokak.
Bizkaiko suhiltzaileak Madrilgo Erkidegora abiatu dira sua itzaltzen laguntzeko
Bizkaiko Foru Aldundiak larrialdietan espezializatutako talde bat bidali du bertara, suteak itzaltzeko lanetan lagundu eta larrialdi zerbitzuen erantzuna indartzeko.
Sanchezek Estatu ituna eskatu du larrialdi klimatikoen aurrean
Espainiako Gobernuko presidenteak Cenicientosen Aginte Postu Aurreratua bisitatu du, eta Madrilgo eta Avilako suteak koordinatzeko aginte bakarra iragarri du. Gainera, sua kontrolatzeko "aukera-leiho bat" dagoela esan du.
Baso-sute batek sei hektarea inguru erre ditu Elbeten
Sua larunbat goizaldean piztu da, eta sastrakadiari eta uztondoei eragin die batez ere; pinudi batzuk ere hartu ditu. Ez da etxebizitzarik hustu behar izan, eta ez da inor zauritu.