Ospakizun handia eta talde txuri-urdinari egingo zaion harrera gaur arratsaldean izango dira, 18:00etatik aurrera, Anoetatik abiatuta. Hiriaren erdigunea zeharkatuko dute, udaletxeraino eta Alderdi Ederreraino. Bertan, 19:00ak aldera iritsiko dira. Zuzenean ikusi ahal izango da ETB, ETB ON, kirolakeitb.eus, Orain Euskadi Irratia, Radio Euskadi eta gainerako euskarri digitaletan.
Errege Kopako garaipenaren emozioa lau haizetara zabaltzeko profesional talde zabala arituko da lanean ETB, ETB ON, kirolakeitb.eus, Orain Euskadi Irratia, Radio Euskadi eta gainerako euskarri digitaletarako.
Kopako finala
Ibilbidea 18:00ak aldera abiatuko da Anoetatik. Hiriko erdigunea zeharkatuko dute, Donostiako udaletxean eta Alderdi Eder inguruko lorategietan 19:00ak aldera amaitu arte.
Hondarribiako aireportura iritsiko da 13:00 aldera, eta lehenik Errenteriatik, Pasaiatik, Herreratik, Grosetik, Zurriolatik, Boulevardetik, Kontxatik, Zumalakarregitik eta Tolosa etorbidetik igaroko da.
Koparen irabazleak eguerdian iritsiko dira Sevillatik Euskal Herrira, Kopa eskuetan dutela. Hegaldia 13:00 aldera iritsiko da Hondarribiako aireportura, eta 14:00etarako espero dituzte Zubietan.
Donostiako Udala, hainbat erakunde eta instituziorekin elkarlanean, dispositibo berezi bat diseinatu du “segurtasunez eta normaltasunez” bizi daitezen Realak larunbat honetan irabazi duen Kopako finalaren ospakizunerako.
Euforia eta poza, Realak Errege Kopa irabazi ondoren, eta, oraingoan bai, zaleek kalean ospatuko dute. Gaua luzea izango da.
KOPA FINALA
Talde txuri-urdinak laugarren aldiz irabazi du Errege Kopa; izan ere, Sevillako Cartuja futbol zelaian jokatutako finalean, Atletico Madril menderatu du, penalti jaurtiketetan, luzapena 2-2 amaitu eta gero.
Zuregatik egin dezagun, Aitor. Gaur, inoiz baino gehiago. Beti gogoan.#GUazenREALA pic.twitter.com/5Rd1PnMD0I
— Real Sociedad Fútbol (@RealSociedadEUS) April 18, 2026
Koparen bila lelopean, EITBk programazio berezia prestatu du finalaren emozio guztia zuzenean eskaintzeko. ETB1en, ETB ON plataforman eta kirolakeitb.eus atarian ikusteaz gain, Euskadi Irratian eta Radio Euskadin jarraitu ahal izango da norgehiagoka zirraragarria.
Donostian ez ezik, Gipuzkoako beste herri batzuetan ere izango da partida pantaila handian ikusteko aukera.
Honako hauetan paratu dituzte: Zumarragan, Tolosan, Zarautzen, Lasarte-Orian, Zumaian, Hondarribian, Eibarren, Elgoibarren, Legazpin, Azkoitian eta Urretxun.
"Etxean" geratu diren jarraitzaileak Donostiako Alderdi Ederren bildu dira.
Hiriburu guztia zuriz eta urdinez dago jantzita.
Jendetza bildu da Carlos III.a etorbideko jarraitzaileen gunean, gehiegizko edukiera gainditu arte.
Poliziak aginduta, musika kendu eta jendez hustu dute eremua.
Egoera bere onera etortzen denean berriro zabalduko dute.
KOPAKO FINALA
Arrisku handiko partida da bi taldeetako zaleen arteko liskarragatik, eta milaka polizia eta guardia zibil daude Sevillan.
Realeko zaleen gunea jendez lepo dago, eta 16:30 aldera abisua eman dute bozgorailuetatik: "Gehiegizko edukiera gainditu dugu, eta hori dela eta, ezingo da inor gehiago sartu".
Kanpoan fan zonera sartzeko ilara luzea dago.
EITB Kirolakeko lankideak Andaluziako hiriburuan daude, eta galdezka ibili dira taldeko hamaikakoari buruz. Hona jasotako erantzunak:
Zuria eta urdina dira nagusi Sevillako kaleetan. 26.000 realzale joan dira Andaluziara, eta giroa aparta dago, argazkiotan ikus daitekeenez.
Imanol Pradales lehendakaria Sevillan dago, Reala babesten. Kazetariei egindako adierazpenetan pozarren agertu da Sevilla "realzaleez, euskaltzaleez lepo" dagoelako eta euskara Andaluziako hiriburuan entzuten delako. Horren aburuz, "gure herriaren izena zabaltzeko" aukera da gaurko partida.
Lehendakariaren iritzian, "gozatzeko eguna" da gaurkoa, aitortu badu ere "gauean sufrimendu pixka bat" izango dela finaletan gertatu ohi den bezala. Dena dela, uste du "baldintzak" ematen direla Kopa Euskadira eramateko.
Gipuzkoa osoan, baina bereziki hiriburuan nabaria da gaur dela Errege Kopako finalaren eguna. Alderdi Eder eta Donostiako udaletxearen ingurua borborka dago dagoeneko.
Bi pantaila erraldoi jarri dituzte Sevillako giroa eta partida jarraitzeko. Gainera, egitarau berezia egongo da 15:00etatik 01:00etara. Eñaut Elorrieta, Go!azen, Xabi Solano, Gozategi eta DJ Jonkassen emanaldiek alaituko dute jardunaldia.
Espainiako Poliziak 91 pertsona identifikatu ditu Errege Kopako finalaren harira martxan jarritako segurtasun dispositiboaren baitan. Horrez gain, material arriskutsu ugari atzeman diete, hala nola, aiztoak, makilak, kateak, buru-berokiak eta 95 burdinazko barra.
Esku-hartzeak A4 autobidean, La Carlota udalerriaren (Kordoba) parean, Sevillan bertan eta beste toki batzuetan egin dituzte, Poliziak ohar bidez jakinarazi duenez.
Goizean goizetik, Sevillako kaleak alaitzen dabiltza Realaren jarraitzaileak. Giro bikaina dago, eguzkia lagun.
Zale txuri-urdinak, Sevillan. EITB
Aurreikusita zegoen bezala, ordu honetan zabaldu dute talde txuri-urdinak Carlos III etorbidean prestatu duen gunea. Cartujatik gertu dago, 20 bat minutura oinez.
Bart, jai giroa nagusi zenean, Espainiako Poliziak 150 bat realzale identifikatu ditu San Antonio Plazatik gertu, Atletikoko ultrekin borrokatzera zihoazelakoan. Horixe da Espainiako Poliziak eman duen informazioa, eta Sevillako komunikabideak zabaltzen ari direna.
Donostiako Udalak segurtasun dispositibo berezi bat antolatu du Realak, kopa irabazi ostean, astelehenean jasoko duen harrerarako.
Reala 14:00etan abiatuko da Sevilarra. Taldea entrenatu ondoren aterako da, eta ehunka zalek jokalarien autobusari agurra egitea espero dute. Ondoren, 15:10ean hartuko dute hegazkina, eta 16:20ean iritsiko dira Sevillara.
Zale txuri-urdinak penintsula zeharkatzen hasiak dira, iparretik hegora. Trenez, hegazkinez, autokarabanaz edo autoz, edozein bide da ona Sevillara iristeko. Arrazoia ez da nolanahikoa: gizonezkoen Kopako Final handia bihar, Realaren eta Atletico Madrilen artean, La Cartuja estadioan.
KOPAKO FINALA
Realeko zaleak Andaluziara bidean dira Atletico Madrilen aurkako Errege Kopako finala bertatik bertara jarraitzeko. 26.000 realzale baino gehiago Cartuja estadioan bertan izango dira eta beste milaka pertsonak sarrerarik gabe bidaiatuko dute. Helburua bat eta bakarra: Kopa Donostiara ekartzea.
