Negoziazio prozesua
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Marokok eta Fronte Polisarioak Saharari buruzko bilerari ekin diote

Aaiunen "sarraskia" izan arren, Mendebaldeko Saharak subiranotasuna lortzeko negoziazio prozesuari berriz ekin diote Marokok eta Fronte Polisarioak NBEren babesean.
Eraikinak sutan, iraulitakoa autoak eta errepideak moztuta daude Aaiunen. Argazkia: EITB.
Eraikinak sutan, iraulitakoa autoak eta errepideak moztuta daude Aaiunen. Argazkia: EITB.
author image

Erredakzioa

Azken eguneratzea

Marokok eta Fronte Polisarioak Saharari buruzko bilerari ekin diote New Yorken. Nazio Batuen Erakundearen babesean egiten duten hirugarren bilera da eta Mendebaldeko Saharak subiranotasuna lortzeko negoziazio prozesuari berriz ekiteko xedea du, NBEk jakinarazi duenez.

Marokoko armadak gaur Aaiunen (Mendebaldeko Sahara), Gdaim Izik kanpalekuan, egindako eraso gogorraren ostean ekin diote bilerari. Aaiuneko gertakizunak eta negoziazio prozesuari ekiteko bilera aldi berean gertatu izana deitoratu du Martin Nesirky NBEko bozeramileak.

Mohamed Uld Salek Saharako Kanpo Arazoetako ministroaren hitzetan, "Aaiuneko sarraski larriaren ostean, ezinezkoa da negoziazioek aurrera egitea". Uld Saleken iritziz, "alde bien arteko konfiantza hondatzen dute eta NBEko izen ona zikintzen dute".

Uld Salek "neurri egokiak hartzeko" eskatu dio NBEri New Yorken; besteak beste, "Marokoko Gobernuaren esku-hartzea aztertzeko" misio bat tokira bidaltzeko eskatu dio.

Oraindik ez dago biktima kopuru zehatzik Mendebaldeko Saharako&' || 'nbsp;Gdeim Izik (Aaiunetik 15 kilometrora) kanpalekua indarrez hustu ostean. Sahararen aldeko Thawra erakundeko bozeramaile baten arabera, gutxienez zazpi pertsona hil dira Marokoko segurtasun indarrek kanpalekua indarrez hustean.

Kanpalekuaren aurkako erasoan segurtasun indarretako bi agente hil eta 70 pertsona zauritu direla baieztatu Marokoko Gobernuak. Halaber, Aaiunen (Mendebaldeko Saharako hiriburuan) nagusi diren istiluetan polizia bat labankadaz hil dutela jakinarazi dute.

Bucharaya Beyun Fronte Polisarioak Espainian duen ordezkariak, bere aldetik, 13 pertsona hil direla esan du. Horren hitzetan, 12 pertsona hil dira Aaiunetik 18 kilometrora dagoen kanpamenduan izandako erasoan, eta beste bat hil da Aaiunen sortu diren istiluetan.

Gutxienez 7 hildako, Marokok Aaiungo kanpalekua indarrez hustu ostean
Marokoko Poliziak 14 urteko mutil saharar bat hil du tiroz Aaiunen
41 saharar kolpatuta, kanpaleku batean egindako protesta babesteagatik
Marokon atxikitako parlamentariak Euskadira iritsi dira
Fronte Polisarioak Aaiuneko istilu larriak salatu ditu
Aaiuneko kanpalekua indarrez itxi du Marokoko Armadak
Munduko albisteak

Zure interesekoa izan daiteke

HAVANA (Cuba), 13/03/2026.- A handout photo made available by the Office of the President of Cuba showing Cuban President Miguel Diaz-Canel speaking during a press conference in Havana, Cuba, 13 March 2026. The Cuban government stated that the island 'has not relinquished its sovereign right to receive oil supplies', amid a severe energy crisis and an oil embargo imposed by the US since January, which has led to increased power outages. (La Habana) EFE/EPA/ALEJANDRO AZCUY / CUBA PRESIDENT OFFICE / HANDOUT HANDOUT EDITORIAL USE ONLY/NO SALES
18:00 - 20:00
ZUZENEAN
Duela  min.

Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"

Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste. 

Gehiago ikusi
Publizitatea
X