Al Kaidak Osama Bin Ladenen heriotza baieztatu du
Al Kaidak Osama Bin Ladenen heriotza baieztatu du, talde islamiarrek erabili ohi duten webgune batean argitaratutako agiri baten bidez.
SITE webgune horien jarraipena egiten duen inteligentzia taldearen arabera, "maiatzaren 6an Al Kaidak agiri bat argitaratu zuen jihadisten foroetan, Osama Bin Laden hilda zegoela berresteko".
Agiri horretan, Al Kaidak atentatuak egiten jarraituko duela ziurtatzen du, eta Osamaren heriotza AEBentzat "madarikazio" bat izango dela ohartarazi du. Era berean, Osama Bin Ladenen heriotzari erantzuteko eskatu die Pakistango herritarrei.
Estatu Batuen kontrako borroka eguna deitu dute Pakistango talde musulmanek eta buruzagi erlijiosoek esan dute Bin Laden hil ostean izango direla beste buruzagiak eta jarraitu egingo duela Estatu Batuen aurkako borrokak.
Halaber, Bin Ladenek hil baino astebete lehenago egindako grabazio bat zabalduko dutela iragarri dute. Zoriontze agiria eta militanteei igorritako aholkuak dira Bin Ladenen grabazioak azaltzen dituenak.
Atentatua egiteko asmoa zuen Bin Ladenek
Joan den astelehenean Osama Bin Laden hil zuten etxebizitzan atzemandako dokumentuen arabera Al Kaidak trenen kontrako atentatu bat egiteko asmoa zuela ohartarazi du FBIk.
Egunkari estatubatuarrek jasotzen dutenez "irailaren 11ko atentatuen 10. urteurrenean" trenen kontrako atentatu bat nola egin pentsatzen ari zen Al Kaida.
Bin Ladenen hilotzaren irudiak
WikiLeaks nazioarteko erakundeak zalantzan jarri du AEBek Bin Ladenen heriotzaren inguruan emandako bertsioa, Kristinn Hrafsson bozeramailearen hitzetan, WikiLeaks Bin Ladenen hilotzaren argazkiak jaso eta argitaratzeko prest legoke, baina "momentu egokia iristen denean".
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.