Greziako erreskatea berriz negoziatzen saiatuko da Demokrazia Berria
Europar Batasunarekin dituzten akordioak beteko dituzten arren, nazioarteko laguntza eskuratu ahal izateko Greziak onartu zituen murrizketa planak berriz negoziatu nahi dituztela iragarri du Antonis Samarasek, Greziako hauteskundeak irabazi berri dituen Demokrazia Berria alderdiko buruak.
"Atzo esan nuen Greziak hitza beteko duela. Baina, aldi berean, erreskate plana berriz negoziatu nahi dugu'', esan du Samarasek Atenasen egin duen prentsaurrekoan. Horretarako, ''ahalik eta alderdi politiko gehien bilduko dituen salbazio gobernua'' osatzea beharrezkoa dela uste du Demokrazia Berria alderdiko buruak.
Merkel, malgutasunaren kontra
Grezian hazkundea sustatzeko laguntza berriak martxan jartzeko aukera mahai gainean jarri du Merkelek, baina erabat baztertu du erreskatea dela-eta Grezian ezarritako murrizketen programan malgutasunik ezartzea. Gobernu berriak aurreko agintariek hartutako ''konpromisoei'' eutsi beharko diela esan du Merkelek.
Greziako hauteskundeetako emaitzek Alemaniako gobernu koalizioan piztu dituzten iritzi kontrajarrien ondoren egin ditu adierazpenok. Izan ere, Greziari ezarritakomurrizketa eta erreforma programa malgutzea komenigarria den ala ez eztabaidatzen aritu omen dira bertan.
Greziak murrizketa neurri horiek ezarri bezala bete behar dituela defendatu du orain arte Berlinek (zatiketarik gabe), eta ideia horren alde egin du gaur bertan Alemaniako gobernuko bozeramaileordeak: ''Gobernu berria, konpromiso zaharrekin'', esan du.
Bestalde, Guido Westerwelle Kanpo Arazoetarako ministroak Greziari denbora gehiago ematearen alde egin zuen atzo bertan, Bruselatik azken orduetan iritsi diren espekulazioekin bat eginez.
Gobernu berria, ate-joka
Astelehen honetan egin ditu Samarasek gobernua osatzeko lehen bilerak. Alexis Tsipras Syriza alderdiko ordezkariarekin bildu da lehenik, baina ez dute akordiorik lortu. Ezkerreko alderdiak ez du onartu gobernu berrian sartzea, baina murrizketa neurriak berriz negoziatzen baldin badituzte, Demokrazia Berria alderdiarekin ''harremanetan etengabe'' egoteko asmoa duela iragarri du.
Ondoren, Pasok alderdiko ordezkariarekin elkartu da Samaras, eta, bilera horren ondoren, astearte honetan bertan gobernu berria egongo dela iragarri du Evangelos Venizelos Pasok alderdiko buruak. Hirugarren geratu dira azken hauek joan den igandeko hauteskundeetan.
Zure interesekoa izan daiteke
Trumpek % 25eko muga-zerga ezarri die Irango ondasunak erosten dituzten herrialdeei
Programa nuklearraren inguruan AEB eta Iran zeharka egiten ari diren negoziazioen ostean etorri da erabakia. Asiako herrialdeak adierazi du "hasiera ona" izan direla elkarrizketak.
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.