Obama Palestinar Aginte Nazionaleko presidentearekin bildu da
Barack Obama AEBetako presidentea Ramallahra joan da Mahmud Abas Palestinar Aginte Nazionaleko presidentearekin elkarrizketatzeko.
Zeremonia arin batean, banda militar batek AEBetako eta Palestinako himnoak jo dituzte, eta, ondoren, Obamak Salam Fayad gobernuburua eta Ministro Kontseiluko kideak agurtu ditu.
Zeremonia Mukataren zelaigunean izan da, Jassir Arafat lider historiko palestinarraren mausoleoaren ondoan. Obamak ez du hura bisitatzeko asmorik.
Palestinar Aginte Nazionalak Zisjordania gobernatzen du, eta bere telebista ofizialak ekitaldia zuzenean transmititu du. Gazan, ordea, Hamas mugimendu islamikoaren gobernuak ez du halakorik egin.
Obamaren kontrako manifestazioak
Kazetariei igorritako komunikatu batean, Ismail Haniya Gazako lehen ministroak esan du bilera horretatik ez duela "inolako emaitzarik" espero.
"Ez dugu espero Obamak politikaren ekuazioa aldatuko duenik. Ez dugu ikusten AEBetako politikak Israelgo okupazioari amaiera emango dionik", azaldu du.
Abas, ordea, "ziur" dago Obama AEBetako presidenteak eta John Kerry Estatu-idazkariak "bakea lortzeko bidean dauden oztopoak ezabatzen" jakingo dutela.
Bitartean, ehunka palestinarrek Ramallahko plaza batean manifestazioa burutu dute presidente estatubatuarraren kontra agertzeko.
Maan agentzia palestinarraren arabera, 300 bat pertsona manifestatu dira. Oinustu egin dira, eta, zapatak eskutan (bertako ohitura bat da), Obamaren kontrako esloganak oihukatu dituzte, "Israelen gerrako krimenak babesteari utzi" eta "AEB-Israel-Britainia Handia: beldurrezko hirukia", besteak beste.
(Mahmud Abas eta Barack Obama guardia militar bat ikuskatzen. EFE.)
Israelen kontrako erasoa
Gazatik jaurtitako bi qassam suziri Israelgo Sderot herrian erori dira gaur goizean, baina ez da inor zauritu.
Mahmud Abasek erasoa gaitzetsi du. "Abasek edozein jatorrikoa den zibilen kontrako biolentzia gaitzesten du", adierazi du Nemer Hamad presidentearen aholkulari politikoak komunikatu batean.
Obamak eta Abasek guardia militar bat ikuskatu dute, eta, ondoren, presidentearen egoitzara joan dira gobernuarekin biltzeko. Horren ostean, biak bakarrik bilduko dira.
Ondoren, Jerusalemera bueltatu aurretik, AEBetako presidentea El-Birehko Gazteen Zentrura joango da gazte palestinarrekin biltzeko. Arratsaldean, ordea, hitzaldi bat emango du Jerusalemen ehun bat israeldar unibertsitarioren aurrean.
Zure interesekoa izan daiteke
Iranek misilak jaurti ditu 4.000 kilometrora, Indiako ozeanoan dagoen base militar baten kontra
Batek ere ez du jo AEBk eta Erresuma Batuak bertan duten basea. Izan ere, batek hegan zihoala huts egin du, eta bestea AEBko Armadako ontzi batek geldiarazi du. Hala ere, erasoak kezka sortu du Iranek irismen handiko jaurtigaiak dituela erakutsi baitu.
Ekialde Hurbila gerraren laugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio, aldi baterako, Irango petrolio gordinari, eta ez du argitu Ormuzen esku hartuko duen ala ez.
Israelgo Poliziak gas negar-eragilea erabiliz sakabanatu ditu Al Aksa meskitara hurbildu diren palestinarrak
Meskita hori musulmanentzat hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da; beraz, fededun asko Jerusalemgo Hiri Zaharreko harresitik kanpo elkartu dira ramadanaren amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani "musulmanen zatiketa saihesteko", "herrialde anaiak" direlako, eta bitartekari izateko prest agertu da.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.