Espioitza
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Berlin eta AEB elkartuko dira, ustez Merkeli egindako espioitzagatik

Sekretu ofizialei buruzko Alemaniako Parlamentuko Batzordeak, inteligentzia zerbitzuen lana kontrolatzeaz arduratzen denak, ezohiko bilera egingo du arratsaldean.
Alemaniak eta AEBek batzarra egingo dute gaur, ustezko espiotza kasuaren harira. Argazkia: EFE
Alemaniak eta AEBek batzarra egingo dute gaur, ustezko espiotza kasuaren harira. Argazkia: EFE
author image

Erredakzioa

Azken eguneratzea

Guido Westerwelle Alemaniako Atzerri Gaietarako ministroak eta AEBk Alemanian duen John B. Emerson enbaxadoreak bilera egingo dute gaur arratsaldean Berlinen, eta Alemaniak azalpenak eskatuko dizkie AEBei, Angela Merkel kantzilerrari, ustez, eskuko telefonoa zelatatzeagatik.

Atzo Merkelek eta Barack Obama AEBetako presidenteak telefonoz hitz egin zuten, eta Alemaniako kantzilerrak azalpenak emateko eskatu zion. "Praktika horien egiazkotasuna frogatzen bada, gaitzesgarriak eta onartezinak dira", esan zion Merkelek Obamari. Alemaniak eta Ameriketako Estatu Batuek, "bazkide eta lagun" izanik, ezin dezakete horrelako espioitza kasurik onartu, esan zion Merkelek Obamari.

Etxe Zuriak ukatu egin zuen Alemaniako kantzilerraren telefono elkarrizketak entzun dituena. "Estatu Batuek ez dituzte zure elkarrizketak zelatatu", adierazi zion Obamak kantzilerrari telefonoz, Jay Carney Etxe Zuriko bozeramaileak prentsaurrekoan azaldu zuenez.

"Entzuten ari garena egia bada, oso larria litzateke", nabarmendu du Thomas de Maiziere Alemaniako Defentsa ministroak telebista publikoan. "Amerikarrak gure lagunak dira eta hala izaten jarraituko dute, baina hau onartezina da", gaineratu du.

Azaldu duenez, ziurtzat jotzen du aspaldidanik bere telefono elkarrizketak entzuten dituztela, baina ez du inoiz pentsatu horren atzean estatubatuarrak zeudenik.

Alemaniako Parlamentuak inteligentzia zerbitzuen lana kontrolatzeko batzorde bat osatu zuen, eta gaurko ezohiko batzarra deitu dute.

"Kantzilerra zelatatzen duenak herritarrak ere zelatatzen ditu", adierazi du Batzorde horretako presidenteak.

Obamak Merkel zelatatu du
AEBri espioitza kasuak azaltzeko eskatu dizkiote Brasilek eta Mexikok
Munduko albisteak Barack Obama Ameriketako Estatu Batuak Angela Merkel Alemania Eguneko Titularrak Pegasus auzia

Zure interesekoa izan daiteke

HAVANA (Cuba), 13/03/2026.- A handout photo made available by the Office of the President of Cuba showing Cuban President Miguel Diaz-Canel speaking during a press conference in Havana, Cuba, 13 March 2026. The Cuban government stated that the island 'has not relinquished its sovereign right to receive oil supplies', amid a severe energy crisis and an oil embargo imposed by the US since January, which has led to increased power outages. (La Habana) EFE/EPA/ALEJANDRO AZCUY / CUBA PRESIDENT OFFICE / HANDOUT HANDOUT EDITORIAL USE ONLY/NO SALES
18:00 - 20:00
ZUZENEAN
Duela  min.

Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"

Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste. 

Gehiago ikusi
Publizitatea
X