Konpromisorik ez, klima aldaketaren goi-bileran
Varsoviako Klima Aldaketari buruzko goi-bileran (COP19) parte hartu duten 200 estatuek ez dute CO2 isuriei buruzko konpromisorik adostu, baina azken orduan akordioa lortu dute 2015ean itun zabala eta loteslea egiteko ibilbide orriaren inguruan, eta aldaketa klimatikoarekin lotutako fenomenoen biktimei laguntzeko plana abiarazi dute.
Bi urte barru, Pariseko 2015eko goi-bileran, behin betiko akordioa lortzeko egutegi bat ezartzea zen goi-bileraren helburu nagusia, eta bidea luzea izango bada ere, prozesua ez da eten Varsovian, eta beste urrats bat egin dute.
"Konpromiso" hitza saihestu dute
Ibilbide orria txosten batean idatzi dute, eta negutegi efektua eragiten duten gas isurketen inguruan "konpromiso" hitza erabiltzea saihestu dute, eta azkenean "ekarpenak" ezarri dituzte.
Hori ez da Europar Batasunak espero zuena, baina garapen bidean dauden herrialdeentzat oso ona izan da, Indiarentzat eta Txinarentzat bereziki.
Egutegia
Connie Hedegaard Europar Batasuneko komisarioak aitortu du oso zaila izan dela goi-bileran akordioa lortzea, baina Parisera iritsi aurretik estatuek gas isurketa konpromisoak plazaratzeko egutegi bat ezartzea oso garrantzitsua izan dela azpimarratu du.
Hori horrela, Europar Batasunak gas isurketa konpromisoak 2014 hasieran bertan aurkeztuko ditu.
Anomalia klimatikoen biktimak
Itxi duten azkeneko akordioa anomalia klimatikoen (urakanak eta uholdeak) biktima diren herrialdeei laguntzeko sistemen ingurukoa izan da, azken asteotan eztabaidagai izan dituzten puntu garrantzitsuenetako bat.
Laguntzak emateko sistema horren inguruan erabakiak hartzeko lantaldea osatu dute, eta 2014ko martxoan egingo du lehenengo bilera.
Zure interesekoa izan daiteke
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.