Ehun milatik gora manifestari bildu dira Kiev erdialdean
Ehun milatik gora oposiziogile bildu dira Kiev erdialdeko Independentzia plazan. Bertan, ia bi hilabetez jarraian, Viktor Yanukovich presidente ukrainarraren politiken aurkako protestak egiten ari dira oposizioko manifestariak.
Tenperatura baxuak izan arren (zero azpitik hamar graduren bueltan Kieven), herrialdeko plazarik garrantzitsuena hartuta dute opositoreek azarotik. Orduan, Yanukovichek Europar Batasunarekin elkartzeko akordioa atzeratzea erabaki zuen.
Gaurkoa protestak hasi zirenetik manifestariek deitu duten zazpigarren veche edo asanblada herrikoia izango da.
Aste honetan, Ukrainako oposizioko buruek "ordena konstituzionala suntsitzea" eta "boterea usurpatzea" leporatu diote Gobernuari. Izan ere, Yanukovichek lege batzuk onartu berri ditu, tartean, 2014ko Aurrekontu Orokorrak, Parlamentuan eztabaidatu gabe.
Gainera, Gobernuak ahalbidetu dituen legeek biltzeko eta adierazteko askatasunak murrizten dituzte, oposizioaren aburuz.
Catherine Ashton Europako diplomazia buruak Ukrainako oposizioari arrazoia eman zion ostiralean, eta Yanukovichi onartu berri dituen arauak aldatzeko eskatu zion, antidemokratikoak direlakoan.
"Ukrainako presidenteari erabakiak berrikusteko eta nazioartearekin dituen konpromisoei begira zuzentzeko eskatzen diot", adierazi zuen Ashtonek.
Europar Batasuneko kanpo politiken arduradunak azaldu zuenez, lege berriek herritarren oinarrizko eskubideak mugatzen dituzte, eta ez dituzte oinarri demokratikoak eta prozedura parlamentarioak errespetatzen.
Albiste gehiago mundua
Gazan hildakoen kopurua gora egiten ari denean, su-eten akordioa "datorren astean" lor litekeela esan du Trumpek
Israelgo Armadak gutxienez 50 pertsona hil ditu bart, haurrak tartean, Gaza Hirian, Jabalian, Deir al Balahn, Khan Yunisen eta Rafahn egindako erasoetan. Orotara, gutxienez 64 gazatar hil dituzte Palestina osoan.
Debekuen gainetik, milaka lagun atera dira kalera Budapesten Harrotasunaren eguna ospatzera
LGTBIQ+ Harrotasun Eguna ospatu dute Budapesten, larunbat honetan, agintariek debekatu duten arren. Izan ere, Viktor Orban lehen ministroaren gobernuak Harrotasunaren Martxa debekatzea ahalbidetzen duten erreforma legal eta konstituzionalak onartu zituen martxoan eta apirilean, adingabeen "garapen egokia" lortzeko arriskutsua dela argudiatuz. Hala ere, manifestazioa egin dute, eta lehen ministroak baztertu egin du Poliziak indarra erabiltzea.
Estatu-hiletak Iranen, Israelek egindako erasoetan hildako pertsonen omenez
Iranek larunbat honetan hasi ditu Israelen erasoetan hildakoak omentzeko estatu-hiletak. Israelek ekainaren 13an hasitako 12 eguneko gerran hildako 627 pertsonetako 60 omendu dituzte gaur; besteak beste, Irango Guardia Iraultzaileko komandante buru Hosein Salami jenerala, Irango Indar Armatuetako Estatu Nagusiko buru Mohamad Hosein Baqeri jenerala eta Mehdi Tehranchi zientzialari nuklearra.
Gazan laguntza NBEk banatzeko eskatu du Guterresek, egungo sistemak "hil" egiten duelako
Gazako agintarien arabera, 500 pertsona baino gehiago hil dira banaketa-zentro horietan, gehienak Israelgo indarrek egindako tiroen ondorioz. "Pertsona batzuk hiltzen ari dira beren familiak elikatzen saiatzeagatik. Janaria bilatzeak ez luke inoiz heriotza-zigorra izan behar", adierazi du Guterresek.
Kayed Hammad itzultzailea Gazatik atera da bere emazte eta hiru seme-alabekin
Kayed Hamadek oso harreman estua du Mikel Ayestaran lankidearekin. Harremanetan egon dira une oro, baita une txarrenetan ere, eta, zorionez, lortu du senideekin Gazatik ateratzea. Ammanen izan gara berarekin, baina Malagara joatekoa da, bertan duen anaia batengana.
Sarraski berri bat Gazan: Israelek 100 palestinar baino gehiago hil eta beste 200 zauritu ditu 24 ordutan
Israelgo Armadak bi bonbardaketa egin ditu errefuxiatuak hartzen zituen eskola baten aurka eta ospitale baten inguruan, eta 20 palestinar inguru hil ditu.
Jameneiren arabera AEBk ez du instalazio nuklearrik kaltetu eta "zaplazteko gogorra" hartu du bueltan
Irango buruzagi gorenaren arabera, AEBk ezin izan du "kalte esanguratsurik" eragin Iranen eta bere instalazio nuklearren aurka; salatu duenez, AEBko presidenteak "neurriz kanpo puztu du gertakaria bere kontakizunean".
NATOko herrialdeen gastu militarra, hemen: AEBrena ere ez da % 5era iristen
Herrialde bakar bat ere ez dago BPGaren % 5 bideratzetik gertu. Izan ere, herrialde gehienak ez dira % 3ra ere iristen, eta askok ez dute % 2 gastatzen, Ukrainako gerraren ondoren konpromiso hori hartu bazuten ere.
Jeff Bezos Amazonen jabearen ezkontzako gonbidatuak Veneziara iristen hasi dira, bizilagunen protesta artean
Jeff Bezos handiki estatubatuarraren eta Lauren Sanchez aurkezle ohiaren arteko ezkontzak bizilagunen protestak piztu ditu Venezian. Hiria aberatsen zerbitzura dagoen "luxuzko erakusleiho" bihurtu dela salatzen dute. Bizilagunen (49.313) eta ostatu-plazen (49.176) kopurua bera da ia, eta 2017tik biztanleria % 7 murriztu da, bisitarien kopurua hazi den heinean.
Trumpek Espainiako produktuei ezarritako muga-zergak areagotzeko mehatxua egin du, Defentsarako gastua % 5era igo ezean
AEBko presidenteak ziurtatu du Espainiarekin merkataritza akordio berria negoziatuko duela, Pedro Sanchezek gastu militarra % 5era igotzeari uko egin diolako, NATOren bileran estatu guztiek adostatukoaren kontra.