Ukrainako manifestariek eta Poliziak su-etena adostu dute
Azken egunotan enfrentamendu gogorrak izan dira Ukrainan, manifestarien eta eta istiluen kontrako Poliziaren artean. Dena den, bi aldeek su-etena adostu dute.
Oposizioaren esanetan, 6 manifestari hil dira egun hauetako istiluetan eta 100 lagunetik gora zauritu dira. Antza denez, UDAR alderdiko Vitali Klitschko buruzagiak proposatu zuen su-etena eta 20:00ak arteko iraupena (Ukrainako ordua) izango du.
"Iluntzeko zortzietan negoziazioen gaineko informazioa ematera itzuliko naiz", adierazi du oposizioko buruak kazetarien aurrean.
Ukrainako oposizioko manifestariek istiluen kontrako Poliziak aurrera egitea eragotzi dute goizaldean, suzko kate erraldoia piztuta.
"Berkuti, istiluen aurkako taldeari, ez diogu beldurrik. Hau iraultza da, eta amaierara arte eutsiko dugu. Gobernuak faxistak izatea egozten badigu ere, ez da egia. Bizitza normala izan nahi dugu, lan egin eta haurrak izan, eta ez diktadura bat", esan dio eraikuntzako langile batek EFE albiste agentziari.
Vladimir izeneko langile hori Ukraina ekialdekoa da, eta, armarriak eta makilak hartuta, oposiziko kideek Dinamo Kiev futbol taldearen Valeri Lobanovski zelaiaren kanpoaldean ezarri duten frontea zaintzen ari da.
Gobernuaren kontrakoek molotov koktelak eta harriak bota dizkiete azken orduotako borroketan istiluen aurkako poliziei. Azken orduetako liskarretan bost manifestari hil eta Kiev hiriburuan batez beste zeropeko hamar gradu badituzte ere, protestariek tinko eusten diote borrokari.
Mendebaldeko gobernuen laguntza militarra eskatu duenik ere badago; izan ere, protestak behin betiko desagerrarazteko, Gobernuak indarra erabiliko duen beldur dira.
Manifestarien ultimatuma
Viktor Janukovitx Ukrainako presidentearekin batzartu ostean, oposiziko kideek mitin bat eskaini zuten atzo gauean Independentzia plazan 50.000 lagunen aurrean.
Ukrainako oposizioak parlamentu alternatiboa eratu du, eta 24 orduko epea eman dio Gobernuari eskariak betetzeko; besteak beste, hauteskundeak aurreratzea eskatu diote.
Zure interesekoa izan daiteke
Trumpek % 25eko muga-zerga ezarri die Irango ondasunak erosten dituzten herrialdeei
Programa nuklearraren inguruan AEB eta Iran zeharka egiten ari diren negoziazioen ostean etorri da erabakia. Asiako herrialdeak adierazi du "hasiera ona" izan direla elkarrizketak.
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.