Lasaitasuna Kieven, negoziazio gehiagoren zain
Ukrainako Poliziak eta manifestariek errespetatu egin dute atzo adostutako tregoaren lehen gaua, hainbat egunez indarkeriak Kieveko erdigunea hartu eta gero. Gaur, negoziatzen jarraituko dute oposizioak eta Viktor Janukovitx herrialdeko presidenteak.
Dena dela, bi aldeek hiriburuko erdigunea kontrolatzen saiatzen jarraitzen dute. Oposizioak barrikada gehiago jarri ditu, tregoa amaitutakoan istiluen aurkako poliziei sarbidea oztopatzeko.
Janukovitxekin batzartu eta gero, Vitali Klitxko oposizioko buruak tregoa larunbata arte luzatzea eskatu die bart manifestariei. Izan ere, horren esanetan, estatuburuak hitza eman die Segurtasun Indarrei su-etena errespetatzeko agindua emango diela.
Horren arabera, agintariak azken egunetako istiluetan atxilotutakoak (100dik gora dira) aske uzteko prest daude.
Klitxkoren eskariak zatiketa ekarri du Grushevski kalean bildu diren manifestarien artean, asko Poliziaren aurka borroka egiten jarraitzearen alde baitaude.
Atzoko negoziazioak bukatu eta gero, Fiskaltza atxilotuekin hartutako behin-behineko neurriak leuntzearen alde agertu zen, betiere manifestariek Poliziaren aurkako borrokak amaitzen badituzte.
Oposizioari Grushevski kalea hustea ere eskatu diote agintariek. Azken egunetan, istilu larriak izan dira bertan (Kieveko Dinamo futbol taldearen estadioa han dago), eta 71 pertsona atxilotu dituzte.
Vitali Zakhartxenko Barne ministroaren esanetan, Poliziak ez du indarrez hustuko Independentzia plaza (manifestarien gotorleku nagusia). Mikola Azarov lehen ministroak, baina, irmo jarraitzen du, eta Kieveko protestak "estatu kolpe saiakera bat" direla gaitzetsi du.
Testuinguru honetan, Stephan Fulle Europar Batasuna Handitzeko komisarioa Kievera iritsiko da gaur, Gobernuaren eta oposizioaren ordezkariekin batzartzeko.
Zure interesekoa izan daiteke
Trumpek % 25eko muga-zerga ezarri die Irango ondasunak erosten dituzten herrialdeei
Programa nuklearraren inguruan AEB eta Iran zeharka egiten ari diren negoziazioen ostean etorri da erabakia. Asiako herrialdeak adierazi du "hasiera ona" izan direla elkarrizketak.
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.