Ukrainak terrorismoaren aurkako operazioa iragarri du herrialde osoan
Ukrainako segurtasun indarrek terrorismoaren aurkako operazioa iragarri dute asteazken honetan lurralde nazionalean, asteartean Kieven izandako indarkeriazko gehiegikerien ondorioz 26 pertsona hil ostean.
"Terrorismoaren aurkako operazio bat egiteko erabakiaren berri eman diot dagoeneko presidenteari", azaldu du Alexandr Yakimenko Ukrainako Segurtasun Zerbitzuko buruak.
Yakimenkok esan duenez, erabakia "indarkeria konfrontazioaren igoeragatik hartu da, eta armak era masiboan erabiltzeagatik".
"Herrialdeko hainbat lekutan gobernuaren eraikuntza, polizia-etxeak, segurtasun zerbitzuen bulegoak, unitate militarrak eta arsenalak... hartzen dituzte", azaldu du.
Halaber, "Justizia auzitegiak erre egiten dira, eta bandaloek propietate pribatuak suntsitzen eta herritar baketsuak hiltzen dituzte", gaineratu du.
Europar Batasunaren balizko neurriak
Europar Batasunak Ukrainako egoeraren aurrean neurriak hartuko ditu, horiek zigor finantzarioetatik bisak murriztera joan daitezke, Herman Van Rompuy Europako Batzordeko presidenteak azaldu duenez.
"Europar Batasunak neurri zehatzekin erantzungo dio Ukrainako egoerari", esan du Van Rompuyk ohar batean.
EBko Atzerri Politikako ministroak ostegunean, 13:00etan, bilduko dira Kieveko erregimenaren kontra zein akzio egingo dituzten zehazteko.
Kargugabetzea
Viktor Yanukovich Ukrainako presidenteak Volodimir Zamana jenerala, Armadako Estatu Nagusiko buruzagia, kargutik kendu du.
Ukrainako Presidentetzak agiri bat argitaratu du webgune ofizialean, erabakiaren arrazoiak azaltzeko.
BBCren arabera, Yuri Iliin jenerala Armadako Estatu Nagusiko buruzagi izendatu dute.
Albiste gehiago mundua
Porrot egin dute plastikoen kutsaduraren aurkako nazioarteko itunaren negoziazioek
Genevan hamar eguneko bileren ondoren, NBEko herrialdeek ez dute adostasunik lortu, baina elkarrizketa prozesua bizirik mantentzea eskatu dute.
Trumpek eta Putinek bilera egingo dute ostiral honetan Alaskan, Ukrainan su-etena lortzeko asmoz
AEBko presidenteak esan du % 25eko aukera dagoela bilerak arrakastarik ez izateko; Kremlinak, berriz, ohartarazi du ez dela aurreikusten akordio formalik sinatzea. Aurrerapenik ezean, Moskuren aurka zigor berriak ezarriko dituela ziurtatu du Trumpek.
Ia 40 pertsona hil dira Kaxmirren izandako uholdeetan, Indian
Gutxienez 38 pertsona hil eta 100 zauritu dira Indiako Jammu eta Kaxmir estatuan izandako euri-jasek eragindako uholdeetan. Erreskate talde ugari mobilizatu dira hondakinen artean harrapatuta egon daitezkeen edo korronteak eraman dituen biktimak aurkitzeko. Gunerik kaltetuenetako bat Chositi izan da. Ur-uholdeek kalteak eragin dituzte etxebizitzetan eta ibilgailuetan. Era berean, uholdeek suntsitu egin dituzte Kishtwar barrutiko Machail Mata santutegia urtero bisitatzen duten erromesentzako kanpin-dendetan jarritako aldi baterako sukaldeak.
Palestinako Aginte Nazionalak nazioarteko laguntza eskatu du Zisjordania hautsiko lukeen proiektuaren aurrean
Benjamin Netanyahuk "Israel Handiari" buruz berriki egindako adierazpenak berresten du plan horrek. Zisjordaniaz eta Gazako Zerrendaz gain, Egipto eta Jordaniako lurraldeen zati bat barne hartuko lituzke, besteak beste.
UEFA, Israelen aurka: "Utzi haurrak hiltzeari, utzi zibilak hiltzeari"
Bi haur errefuxiatu palestinar Paris Saint-Germain eta Tottenham taldeen arteko UEFAko Superkopako finalean izan dira, Aleksander Ceferin UEFAko presidentearekin batera.
Trump Putinengana hurbiltzen saiatuko da Alaskan, Ukrainari buruzko konpromiso irmorik hartu gabe
Ostiraleko bileran (19:30 GMT orduan izango dena, Euskal Herriko 21:30ean) ez da Volodimir Zelenski Ukrainako presidentea izango. Donald Trumpek eta Vladimir Putinek agerraldia egingo dute hedabideen aurrean bileraren amaieran.
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.