26 pertsona hil dira Kieven, Poliziak Maidan plazan egindako erasoan
Gutxienez 26 pertsona hil dira, horietako bederatzi poliziak, azken 24 orduetan Kieven (Ukraina) jasotako istiluetan, azken datu ofizialen arabera.
Gainera, Osasun Ministerioaren esanetan, 114 pertsona ospitaleratu dituzte. Iturri ez ofizialek, baina, zauritutakoak ehunka direla esan dute.
Gauerdian, istiluen aurkako agenteak oldartu egin dira Independentzia Plazan (Maidan izenarekin ere ezagutzen da) zeuden manifestarien aurka. Hain zuzen ere, plaza hori da azaroaren 21ean hasi ziren protesten erdigunea.
Poliziaren erasoari aurre egiteko, manifestariek suak piztu dituzte plazan.
Indarkeria astearte goizean lehertu zen berriz, bi asteko tregoaren ostean. Orduan, manifestariak Parlamentura abiatu ziren, eta Poliziak galarazi egin zien. Protestariek 2004. urteko Konstituzioa berriz ere ezartzea eskatzen zuten, presidentearen botereak mugatzen zituelako.
Gaur gauean Polizia oldartu baino lehen, Vitali Klitxko oposizioko buruak Maidan plazatik ez joateko eskatu zuen: "Askatasun uhartea da hau, eta defendatu egin behar dugu".
Kievetik kanpo, manifestariek hainbat eraikin ofizial indarrez hartu dituzte Lviv eta Ivano-Frankivsk hirietan. Ternopil hirian, gainera, polizia-etxe bati su eman diote.
Aleksandr Aronets oposizioko parlamentariaren esanetan, azken hiri horretan Fiskaltzaren egoitza okupatu dute, eta "ukrainar heroi guztien [azken hilabeteetako protestetan atxilotutakoak] aurkako auzien agiriei su eman diete".
Manifestariek suak piztu dituzte Maidan plazan. EFE
Baliteke Janukovitx eta oposizioa berriz biltzea gaur
Bild egunkari alemaniarraren arabera, Janukovitx presidenteak gaur bertan oposizioarekin batzartzeko asmoa agertu du, Kitxko oposizioko buruak iragarri duenez.
"Presidenteak beste bilera bat nahi du, gaur bertan, eta gu prest gaude", esan du Klitxkok.
Oposizioko buruaren esanetan, "gure eskakizuna argia da: Poliziaren hedapena bertan behera geratzea. Jazarpena berehala gelditu behar da negoziatu ahal izateko".
Gaur goizaldean ere negoziazioak egin dituzte Klitxkok eta Janukovitxek, baina ez dute akordiorik lortu.
Aldez aurretik, Janukovitxek "sektore erradikalengandik aldentzea" eskatu zien oposiziokoei. "Oraindik ez da berandu gatazka konpontzeko", gaineratu zuen.
Hori egin ezean, oposizioko buruei "tratamendu ezberdina" emango diela aurreratu zuen agintariak.
Poliziak, Maidan plazan. EFE
AEBk tropak kaletik ateratzea eskatu dute
Bestalde, Joe Biden AEBko presidenteordeak kaleetatik Segurtasun Indarrak kentzeko eta protesten aurkako erantzuna neurtzeko eskatu dio Janukovitxi.
Bidenek telefonoz deitu dio Ukrainako presidenteari, "kezka" agertzeko, Etxe Zuriak jakinarazi duenez.
John Kerry Estatu idazkaria ere zuzendu zaio Janukovitxi, eta herrialdeko "zatiketa sakonak" ez direla "errugabeen odola isuriz" konponduko ohartarazi dio.
Protesta jendetsuak duela hiru hilabete hasi ziren, Janukovitxek Europar Batasunarekin lankidetza akordio bat sinatzea errefusatu zuelako.
Zure interesekoa izan daiteke
Brexitak irabazi eta 10 urtera, "rejoin": dimisioak, ekonomia ahula eta independentismoaren gorakada Erresuma Batuan
Hamarkada bat pasa da Erresuma Batua EBtik atera zenetik, eta tarte horretan Keir Starmer dimisioa emango duen seigarren lehen ministroa da; ekonomiak ez du suspertzea lortu, eta independentismoak indarra hartu du Eskozian, Galesen eta Ipar Irlandan.
Hurrengo bi hilabeetan Irango petrolioa saltzeko baimena eman du AEBk, negoziazioak ondo doazelako
Pakistanek eta Qatarrek, Burgenstocken (Suitza) egiten ari diren negoziazioetako bitartekariek, adierazi dutenez, lehenengo saioa "giro positiboan egin da" eta "aurrerapauso pozgarriak" izan dira.
Zergatik eman du dimisioa Keir Starmerrek? Hauek dira kolokan utzi zuten polemikak
Agintariaren dimisioaren ondorioz, Erresuma Batuak zazpigarren lehen ministroa izango du hamar urtean.
Keir Starmerrek Erresuma Batuko lehen ministro kargua utziko duela iragarri du
Ordezkoa bilatzeko prozesua uztailaren 9an hasiko da, eta egun horretatik aurrera hautagaitzak aurkeztu ahal izango dira alderdia zuzentzeko eta lehen ministro kargua lortzeko. Starmerrek adierazi du bere asmoa trantsizio ordenatu bat erraztea dela, eta erreleboa modu egonkorrean gertatzea.
Abelardo de la Espriella ultraeskuindarrak irabazi ditu Kolonbiako hauteskundeak, %1eko aldearekin
Hautagai ultraeskuindarrak 250.000 boto atera dizkio Ivan Cepeda ezkertiarrari bigarren itzuliko aurre-zenbaketan, eta oposizioak 33.000 mahai inpugnatu dituela iragarri du. Gustavo Petro presidenteak adierazi du oraindik ezin duela presidente berria izendatu.
Trumpen mehatxu berrien ostean, Iranek iragarri du eten egin dituela AEBrekiko negoziazioak, baina Qatarrek dio aurrera jarraitzen dutela
JD Vance AEBko presidenteordea ari da bilera horietan AEB ordezkatzen eta Trumpek ezer esan aurretik, elkarrizketetan "aurrerapauso handiak" eman dituztela adierazi du.
Iranek Libanon "arazoak" sortzen baditu, AEBk erasoei berrekingo diela ohartarazi du Trumpek
Irango Gobernuaren ordezkaritza bat eta AEBkoaren bat Suitzako bainuetxe batean elkartu dira, Teherango programa nuklearrari eta joan den astean adostutako bakerako memorandumari buruz hitz egiteko.
AEBren eta Iranen arteko bake-negoziazioak abian dira, Libanon, Ormuzko itsasartean eta garapen nuklearrean arreta jarrita
Negoziazioak ostiralean hastea espero zen, baina Iranek bertan behera utzi zituen egun horretan, Israelek Libanoko hegoaldean egindako erasoen ondorioz. Teheranek behin-behineko akordioa osorik betetzeko eskatu du, gerrari amaiera emateko.
Starmerrek Erresuma Batuko lehen ministro kargua utziko duela iragar lezake astelehen honetan
Maiatzeko udal hauteskundeetan laboristek nabarmen egin zuten behera, eskuin muturraren mesedetan. Lehen ministroak bere gain hartu zuen porrot horren erantzukizuna, eta bere irudia kolokan dago ordutik.
Inoizko hauteskunde polarizatuenen bigarren itzulia Kolonbian
Hauteskunde aurreko aurreikuspenen arabera, Abelardo de la Espriella ultraeskuindarrak botoen % 50 inguru lor ditzake eta Ivan Cepeda ofizialistak, berriz, botoen % 44. Ikusteko dago iragarpenek asmatzen duten ala ez.