Ukrainako indarkeriaren arduradunei ondasunak blokeatuko dizkie EBk
Europar Batasuneko Atzerri ministroek akordio politikoa lortu dute gaur Ukrainako indarkeriaren arduradunei zigorrak ezartzeko. Horrela, ondasunak blokeatuko dizkiete eta EBn sartzea debekatuko diete.
"EBko neurrien nondik norakoak aurrerago zehaztuko dituzte, Ukrainan gertatzen denaren arabera", Carl Bildt Suediako Atzerri ministroak Twitter sare sozialean azaldu duenez.
"Azkar ekin"
Emma Bonino Italiako Atzerri ministroak baieztatu duenez, "akordioa oso azkar, datozen orduetan, aplikatu behar dela adostu dugu ".
Frantzia, Alemania eta Poloniako Atzerri ministroekin erabakia adostu dutela azaldu du Boninok; izan ere, hirurak Kieven daude, oposizioarekin eta Viktor Yanukovich Ukrainako presidentearekin biltzeko.
Era berean, errepresioan erabili daitezkeen ekipoen esportazioa debekatzea adostu dute EBko ministroek, baina ez dute arma-blokeoa ezarriko, iturri diplomatikoek baieztatu dutenez.
Aurreneko zerrenda
Gonzalo de Benito Espainiako Atzerri estatu-idazkariak aurreratu duenez, zigorrak aplikatzeko bihar edo etzi "8-10 laguneko" lehen zerrenda prest izango du Europar Batasunak.
Zigorrak aplikatzeko pertsonen zerrenda lantalde batek osatuko du, baina antza denez, Yanukovich ez da zerrenda horretan agertuko. De Benitoren hitzetan, "talde txikia" da eta "indarkeria ekintza larrienen arduradunak bezala identifikatu dituzte dagoeneko".
"Istiluek jarraitzen badute, orduan zerrenda luzatuko da", azaldu du estatu-idazkariak. Oposizioko kideak zerrendan sartzea ez du baztertu De Benitok.
Argazkia: EFE
Frankotiratzaileen mehatxua
Kieveko erdialdean frankotiratzaileek izua zabaldu dute. Kalashnikov fusilen tiro hotsak molotov koktelekin, barra metalikoekin eta egurrekin nahastu dira manifestarien eta polizien arteko istiluetan.
Eraikuntza ofizialetan eta hoteletan ezkutatuta frankotiratzaileek manifestariak tirokatu dituzte, komunikabide digitalek igorritako irudietan ikus daitekeenez. Oposizioko manifestariek metalezko ezkutuak erabili dituzte babesteko.
67 polizia, bahituta
Ukrainako oposizioko manifestariek 67 polizia bahitu dituzte ostegun honetan Kieveko kaleetan izandako indarkeriazko istiluetan, Barne Ministerioak jakitera eman duenez.
"Barne Ministerioaren organoen eraginkorren erasoen aurka egindako erasoetan, 67 soldatu bahitu dituzte. Ez dakigu euren osasunaren berri, ezta non dauden ere", azaldu du oharrak.
Halaber, Barne Ministerioaren oharraren arabera, “lagunak askatzeko segurtasun indarrek legeak ahalbidetzen dien neurri guztiak hartzeko eskubidea dute, armak barne”.
Vitali Zajarchenko Ukrainako Barne ministroak poliziei armak ematea agindu du gaur, istiluen erabiltzeko, baita bahituak askatzeko ere.
Ukrainako oposizioak 100 hildako baino gehiago daudela esan du
Ukrainako oposizioaren arabera, ehun pertsona baino gehiago hil dira Kieven asteartean hasitako indarkeriazko istiluetan.
Zure interesekoa izan daiteke
Siriako agintariek eta milizia kurduek elkarri leporatzen diote 2 hildako eta hainbat zauritu utzi dituzten erasoen ardura
Bi aldeek elkarri leporatzen diote indar kurduak Siriako Estatuan sartzeko akordioa hautsi izana. Bitartean, liskarrak gero eta ugariagoak dira.
Errusiako Estatu Nagusiko operazio burua hil dute Moskun, bonba-auto batekin egindako atentatu batean
Hasiera batean, Errusiako Instrukzio Batzordeak Ukrainako inteligentziari egotzi dio erasoa.
IRAren garaitik inoiz izan den gose greba luzeena egiten ari dira Palestina Actioneko kideak Erresuma Batuko kartzeletan
Gose greban denbora gehien daramatenak Amy Gardiner-Gibson eta Qesser Zuhrah dira, 50 egun, eta oso ahul daude. Justizia ministroarekin bilera eskatu dute euren abokatuek baina Gobernuak ezezkoa eman die.
Israelek beste 19 kokaleku legeztatu ditu Zisjordanian
Kolonoguneak legez kanpokoak dira nazioarteko araudiaren arabera, baina Netanyahuren gobernuak urteak daramatza estatus legala ematen; dagoeneko 69 kokaleku legeztatu ditu 2022tik. Hamasek "urrats kolonialtzat" jo du erabakia, eta "Palestinako lurraldea arpilatu" nahi izatea egotzi dio Israeli.
AEBk hirugarren petrolio-ontzi bat atxiki du Venezuelan
Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.