Bi eguneko istilu odoltsuek 75 hildako utzi dituzte Ukrainan
Azken bi egunetako istilu odoltsuetan 75 pertsona hil direla esan du gaur Ukrainako Osasun Ministerioak.
Oposizioko alderdiek, ostera, ostegun odoltsuak ia 100 hildako utzi dituela adierazi dute. Gutxienez 363 pertsona ospitalera eraman behar izan dituzte, osasun zerbitzuetako arduradunek jakitera eman dutenez.
13 polizia hil direla baieztatu du Barne Ministerioak. Vitali Zajarchenko Ukrainako Barne ministroak poliziei su-armak emateko agindua eman du, eta ekintzaile estremisten aurka erabili ditzaketela ohartarazi du.
"Poliziaren aurka su-armekin tiro egin dute gaur. Poliziez gain, kaleetan herritar baketsuak hiltzen ari dira", salatu du.
Oposizioko hiru alderdi nagusietako buruzagiek eta Viktor Yanukovich Ukrainako presidenteak asteartean negoziatu zuten su-etenak kale egin du eta politikariek egoeraren kontrola galdu dutela ematen du.
Frankotiratzaileen mehatxua
Kieveko erdialdean frankotiratzaileek izua zabaldu dute. Kalashnikov fusilen tiro hotsak molotov koktelekin, barra metalikoekin eta egurrekin nahastu dira manifestarien eta polizien arteko istiluetan.
Eraikuntza ofizialetan eta hoteletan ezkutatuta frankotiratzaileek manifestariak tirokatu dituzte, komunikabide digitalek igorritako irudietan ikus daitekeenez. Oposizioko manifestariek metalezko ezkutuak erabili dituzte babesteko.
67 polizia, bahituta
Ukrainako oposizioko manifestatzaileek 67 polizia bahitu dituzte ostegun honetan Kieveko kaleetan izandako indarkeriazko istiluetan, Barne Ministerioak jakitera eman duenez.
"Barne Ministerioaren organoen eraginkorren erasoen aurka egindako erasoetan, 67 soldatu bahitu dituzte. Ez dakigu euren osasunaren berri, ezta non dauden ere", azaldu du oharrak.
Halaber, Barne Ministerioaren oharraren arabera, “lagunak askatzeko segurtasun indarrek legeak ahalbidetzen dien neurri guztiak hartzeko eskubidea dute, armak barne”.
Argazkia: EFE
Zigorrak
Europar Batasuneko Atzerri ministroek akordio politikoa lortu dute gaur Ukrainako indarkeriaren arduradunei zigorrak ezartzeko. Horrela, ondasunak blokeatuko dizkiete eta EBn sartzea debekatuko diete.
Gonzalo de Benito Espainiako Atzerri estatu-idazkariak aurreratu duenez, zigorrak aplikatzeko bihar edo etzi "8-10 laguneko" lehen zerrenda prest izango du Europar Batasunak.
Manifestarien aurka su-armak erabiltzea debekatu du Parlamentuak
Ukrainako Parlamentuak manifestarien aurka su-armak erabiltzea debekatu du, eta Polizia eta Armadari atzera egiteko agindua eman die.
Azken egunetako indarkeria gaitzetsi du testuak. 450 diputatutik 239k parte hartu dute bozketan, gehienak oposizioko alderdietako ordezkariak. Hala ere, ekimenak Parlamentuko presidentearen (Yanukovichen aliatua) sinadura behar du lege bihurtzeko, BBC telebistaren arabera.
Zure interesekoa izan daiteke
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.