Ukrainako oposizoak Yanukovich bota eta Timoschenko askatu du
Hiru hilabete luzeren ondoren, Ukrainako oposizioak Viktor Yanukovich presidentea Gobernutik kentzea lortu eta kartzelatutako Yulia Timoschenko lehen ministro ohia askatu du.
"Diktadurarenak egin du", esan du Timoschenkok kalera atera bezain laster. 2010etik espetxean sartu zuten, zazpi urteko kartzela zigorra ezarrita, larderiagatik.
Bestalde, Ukrainako mugetako guardiek esan dute Viktor Yanukovich boteretik kendutako presidentea hegazkinez irteten saiatu dela eta galarazi egin dutela, mugetako kontrolak saihesten saiatu behar da, ziurtatu dutenez.
"Ez duzue etsitzeko eskubiderik"
Yulia Timoschenkok Kieveko Independentzia Plazara heldu ondoren, "protestak bertan behera uzteko eskubiderik ez" dutela esan die manifestariei, herrialdean "benetako aldaketa bat lortu arte".
"Ez duzue plazatik joateko eskubiderik aldaketa sakon bat gauzatu arte", esan du Timoschenkok gurpildun auki batetik.
Etorkizunaren inguruan, Timoschenkok lanean jarraitzeko borondatea duela ziurtatu du. "Lanera bueltatuko naiz. Ez dut minutu bat ere ez galduko zuon ama lurrean zoriontsuak izan zaitezen. Gora Ukraina!", esan du.
Yulia Timoshenko Ukrainako lehen ministro ohia eta oposizioaren burua aske uzteko agindu du larunbat honetan Ukrainako Parlamentuak.
Gaurko osoko bilkuran Timoshenko berehala aske uztea agintzen duen ebazpena onartu du Ukrainako Parlamentuak. Parlamentuaren gehiengo zabalak, bi herenak baino gehiagok, babestu dute ebazpena. Onartutako adierazpenak Jarkov hiriko ospitale batean giltzapetuta dagoen buruzagia berehala aske uztea ekarriko du, oposizioaren arabera.
Ukrainako Parlamentuko presidente berria izendatu dute
Oleksander Turchinov Batkivshchyna alderdiko presidenteordea izendatu dute Ukrainako Parlamentuko presidente, haren aurrekoak ordu batzuk lehenago, osasun arazoak tarteko, dimisioa eman ostean.
Viktor Yanukovich Ukrainako presidenteak eta oposizioko buruek herrialdeak bizi duen krisiari amaiera emateko, akordioa sinatu eta biharamunean etorri da aldaketa.
Ruslas Koshulinski Ukrainako parlamentuko presidente ordeak iragarri du albistea, gaur egiten ari diren ezohiko osoko bilkuraren hasieran. Halaber, Igor Kaletnik Parlamentuko lehen presidenteordeak ere dimisioa eman du.
Astearteko Parlamentuko osoko bilkuran Volodymyr Rybakek tentsio krisi bat izan zuen, eta medikuek artatu behar izan zuten tokian bertan.
PR Erregioen Alderdiaren parte hartzerik gabe erabaki garrantzitsurik ez hartzeko eskatu die Yanukovich presidentearen alderdiak Parlamentuak duen Yuri Miroshnichenko bozeramaileak parlamentariei. Hala ez balitz, Ukrainak banatzeko arriskua lukeela adierazi du.
PR alderdiko 23 parlamentari soilik ari dira parte hartzen gaurko osoko bilkuran eta, guztira, Parlamentua osatzen duten 450 parlamentarietatik 248 baino ez.
Zure interesekoa izan daiteke
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.