Ostegunera atzeratu dute Ukrainako Gobernua izendatzeko bozketa
Ukrainako Parlamentuak ostegunera atzeratu du batasun nazionaleko gobernuari buruzko bozketa, talde politikoek hitz egiteko eta akordioa lortzeko denbora gehiago izan dezaten.
"Batasun nazionaleko gobernuaren inguruko bozketa ostegunean izango da", adierazi du Oleksandr Turtxynov Parlamentuko eta Ukrainako jarduneko presidenteak. Bozketa gaur zen egitekoa.
Ukraina prozesu politiko berri batean murgilduta dago Parlamentuak otsailaren 22an Viktor Janukovitx presidentea kargutik kentzea onartu ostean. Presidente ohiak akordioa egin zuen oposizioarekin manifestarien eta Poliziaren arteko liskarrak amaitzeko, dozenaka pertsona hil ondoren borrokaldietan, eta hurrengo egunean kargugabetu zuten.
Klitxko, presidentegai
Vitali Klitxko oposizioburu eta boxeolariak iragarri du hautagai izango dela maiatzaren 25erako deitu dituzten hauteskunde presidentzialetan.
"Ukrainako presidente izateko hautagai izango naiz, ziur bainago Ukrainan joko arauak aldatu behar direla. Justizia egin behar da. Ziur nago posible dela", adierazi dio Kiltxkok prentsari.
Gaur hasi da presidentetzarako hauteskunde-kanpaina, eta oraindik zalantza bat da nagusi: Yulia Timoshenko lehen ministro ohia, larunbatean libre utzi zutena, hautagai izango ote den.
Errusiak ez du barne gaietan eskua sartuko
Serguei Lavrov Errusiako Atzerri Gaietarako ministroak hitzeman du ez dutela eskua sartuko Ukrainako barne gaietan.
"Ukrainako barne gaietan eskua ez sartzeko printzipioa berretsi dugu, eta denek logika horrekin bat egitea espero dugu", adierazi du prentsaurreko batean Lavrovek.
Horren harira, ministroak azpimarratu du elkarrizketarako garaia dela Ukrainan, eta ez dela "unea aprobetxatu eta aldebakarreko abantailak lortzeko garaia", mendebaldeko herrialdeei erreferentzia eginez.
Barrosok EBrekin elkarlanean aritzeko deia egin du
Bestalde, Jose Manuel Durao Barroso Europako Batzordeko presidenteak Europar Batasunarekin elkarlanean aritzeko deia egin dio Errusiari, Ukraina "batua eta egonkorra" lortzeko.
Era berean, Kievek egonkortasun demokratikoa lortzeko egonkortasun ekonomikoa behar duela eta horretarako nazioarteko komunitatearen laguntza ezinbestekoa dela adierazi du, Europako Parlamentuan emandako hitzaldi batean.
Albiste gehiago mundua
Guterresek NBEk Gazako laguntzaren agintea berriro hartzea eskatu du, egungo sistemak "hil" egiten duelako
Gazako agintarien arabera, bostehun pertsona baino gehiago hil dira banaketa gune horietan, gehienak Israelgo indarrek egindako tiroen ondorioz. "Pertsona batzuk hiltzen ari dira beren familiak elikatzen saiatzeagatik. Janaria bilatzeak ez luke inoiz heriotza zigorra izan behar", adierazi du Guterresek.
Kayed Hammad itzultzailea Gazatik atera da bere emazte eta hiru seme-alabekin
Kayed Hamadek oso harreman estua du Mikel Ayestaran lankidearekin. Harremanetan egon dira une oro, baita une txarrenetan ere, eta, zorionez, lortu du senideekin Gazatik ateratzea. Ammanen izan gara berarekin, baina Malagara joatekoa da, bertan duen anaia batengana.
Sarraski berri bat Gazan: Israelek 100 palestinar baino gehiago hil eta beste 200 zauritu ditu 24 ordutan
Israelgo Armadak bi bonbardaketa egin ditu errefuxiatuak hartzen zituen eskola baten aurka eta ospitale baten inguruan, eta 20 palestinar inguru hil ditu.
Jameneiren arabera AEBk ez du instalazio nuklearrik kaltetu eta "zaplazteko gogorra" hartu du bueltan
Irango buruzagi gorenaren arabera, AEBk ezin izan du "kalte esanguratsurik" eragin Iranen eta bere instalazio nuklearren aurka; salatu duenez, AEBko presidenteak "neurriz kanpo puztu du gertakaria bere kontakizunean".
NATOko herrialdeen gastu militarra, hemen: AEBrena ere ez da % 5era iristen
Herrialde bakar bat ere ez dago BPGaren % 5 bideratzetik gertu. Izan ere, herrialde gehienak ez dira % 3ra ere iristen, eta askok ez dute % 2 gastatzen, Ukrainako gerraren ondoren konpromiso hori hartu bazuten ere.
Jeff Bezos Amazonen jabearen ezkontzako gonbidatuak Veneziara iristen hasi dira, bizilagunen protesta artean
Jeff Bezos handiki estatubatuarraren eta Lauren Sanchez aurkezle ohiaren arteko ezkontzak bizilagunen protestak piztu ditu Venezian. Hiria aberatsen zerbitzura dagoen "luxuzko erakusleiho" bihurtu dela salatzen dute. Bizilagunen (49.313) eta ostatu-plazen (49.176) kopurua bera da ia, eta 2017tik biztanleria % 7 murriztu da, bisitarien kopurua hazi den heinean.
Trumpek Espainiako produktuei ezarritako muga-zergak areagotzeko mehatxua egin du, Defentsarako gastua % 5era igo ezean
AEBko presidenteak ziurtatu du Espainiarekin merkataritza akordio berria negoziatuko duela, Pedro Sanchezek gastu militarra % 5era igotzeari uko egin diolako, NATOren bileran estatu guztiek adostatukoaren kontra.
Sanchezek berretsi du Espainiak ez duela BPGaren % 2,1 baino gehiago Defentsara bideratuko
Mark Rutte NATOren idazkari nagusiak berak onartu du Espainiarekin "ados daudela ados ez daudela esatean" Defentsara bideratutako gastua igotzea dela eta.
Ruttek uste du aliatuek onartuko dutela defentsa gastua % 5era igotzea, eta Espainiak ez duela goi-bilera arriskuan jarriko
Donald Trump AEBko presidenteak NATOko batzarraren mahai gainean jarriko du defentsa gastua handitzeko beharra. Espainiako Gobernua, baina, eztabaidaren erdigunean dago, ohartarazi baitu ez duela gastu militarra igoko.
NATOren afaria, irudi batean: Sanchez eta Trump elkarrengandik urrun eta Zelenski traje beltzez jantzita
Sanchezek eta Trumpek bat egin dute lehen aldiz Herbehereetako errege-erreginek Huis ten Bosch jauregian egindako afarian, defentsarako gastua handitzeak eragindako polemikaren ostean. Afariko beste protagonista Zelenski izan zen, traje beltzez jantzita agertu baitzen.