Yanukovich bilatzeko eta atxilotzeko agindua, hilketak leporatuta
Ukrainako Barne Ministerioak iragarri du kargugabetu berri duten Viktor Yanukovich presidente ohia bilatzeko eta atxilotzeko agindua eman dutela, "hilketa masiboa" egitea egotzita.
"Zigor prozedura abiatu dugu herritar baketsuen kontrako hilketa masiboagatik. Yanukovich eta beste goi kargudun ohi batzuk bilatzeko eta atxilotzeko agindua eman dugu", iragarri du Asden Avakov Barne ministroak Facebooken.
Aurretik, Ukrainako Segurtasun Zerbitzuak esan du ez dakiela non dagoen Yanukovich, baina herrialdean jarraitzen duela uste du.
"Une honetan Yanukovich ez dago atxilotuta, eta oraindik ez dakigu non dagoen", adierazi dio zerbitzu sekretuak Ukrinform albiste-agentziari. Hala, gezurtatu egin du agintari ohia Crimean atxilotu dutela edo Sebastopoleko portutik itsasoz ihes egiteko asmoa duela.
Asteburuan Ukrainako agintariek jakitera eman dutenez, presidente ohia hegazkin pribatu batean saiatu zen ihes egiten, baina mugako agintariek ez zuten bidaia egiteko baimena eman.
Hala eta guztiz ere, Arsen Avakov jarduneko barne ministroak esan du Crimean ikusi zutela azkenekoz Yanukovich, kide batekin batera autoan bidaiatzen.
35.000 milioi dolarreko laguntza eskatu dute
Ukrainako agintari berriek iragarri dute 35.000 milioi dolarreko laguntza beharko dutela 2015 amaiera arte herrialdearen egoera ekonomikoa egonkortzeko.
"Egunotan Europar Batasuneko enbaxadoreekin, AEBekin eta beste herrialde batzuekin hitz egin dugu, baita nazioarteko finantza erakundeekin ere, finantza laguntza jasotzeko", adierazi du Yuri Kolobov Ukrainako jarduneko Finantza ministro ordeak.
Bestalde, Kieveko Gobernuak nazioarteko konferentzia bat deitu nahi du Ukrainako ekonomia berritzeko eta erreformatzeko laguntzak bilatzeko.
Ashton oposizioko buruekin bildu da Kieven
Catherine Ashton EBko Kanpo Politikako eta Segurtasun goi ordezkaria oposizioko hiru alderdi nagusietako buruekin bildu da astelehen honetan, Europar Batasunaren babesa eztabaidatzeko testuinguru berrian.
Azken gertakariek Ukrainan herrialdeko krisiari buelta bat eman diote, Viktor Yanukovich Ukrainako presidenteak eta oposizioko hiru buruek akordio bat sinatu ostean, Frantziako, Alemaniako eta Poloniako ministroek bultzatuta.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.