Krimeako krisiari irteera baketsua bilatu nahi diote AEBk eta Ukrainak
Barack Obama AEBetako presidenteak eta Arseni Yatseniuk Ukrainako lehen ministroak bilera egingo dute asteazkenean Washingtonen Ukrainako Krimea penintsulako krisiari irtenbide baketsua bilatzeko, Etxe Zuriak ohar batean jakinarazi duenez.
Krimean erreferenduma egingo dute martxoaren 16an Errusiara batu ala ez erabakitzeko, eta lau egun lehenago egingo dute bilera AEBek eta Ukrainak Washingtonen. Galdeketa legez kanpokoa dela ohartarazi dute AEBek eta inolaz ez dutela Krimea Errusiara batzea onartuko.
Etxe Zuriaren oharraren arabera, Ukrainaren subiranotasuna eta lurralde batasuna errespetatuko duen irteera baketsua bilatzen saiatuko dira bi aldeak.
Krimeako agintariek kontrolatzen dituzte bertako kuartel militar gehienak
Krimeako penintsulako agintariek azaldu dutenez, kontrolpean dituzte Ukrainak lurraldean dituen kuartel militar gehienak.
"Kuartel militar gehienak Krimeako agindupean daude. Blokeatuta daude eta armak kontrolpean ditugu", adierazi du Vladimir Konstantinov Krimerako Parlamentuko presidenteak.
Horren esanetan, ez dutela erasorik egingo baieztatu dute agintari militarrek.
Krimeako militarrek estatusa behin martxoaren 16ko erreferenduma egin eta gero erabakiko dute: "Krimeako herria zerbitzatu nahi badute, guri abisatu behar digute. Nahi ez dutenei irteera bermatuko diegu".
Ukrainaren osotasuna zaindu behar da, Merkelen eta Erdoganen arabera
Angela Merkel Alemaniako kantzillerrak eta Recep Tayyip Erdogan Turkiako lehen ministroaren iritziz, "Ukrainako lurralde batasuna eta batasun politikoa zaindu behar da".
Larunbatean telefonoz hitz egin zuten Merkelek eta Erdoganek, eta elkarrizketa horren harira agiria kaleratu du Alemaniako Gobernuak. Bi buruzagien iritziz, Ukrainako egoera "kezkagarria da" eta Krimeako gatazka "saihestu egin behar da".
Bestalde, martxoaren 16ko erreferenduma legez kanpokoa dela berretsi dute.
Krisi hau gainditzeko, harremanetarako nazioarteko talde bat sortzea eta Ukrainan gertatukoa ikertzeko batzordea eratzea proposatzen dute.
Zure interesekoa izan daiteke
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.